మౌత్ ఆర్గాన్ను అద్భుతంగా వాయిస్తున్న ఓ యువకుడి ప్రతిభకు అమితాబ్ బచ్చన్ ఫిదా అయిపోయారు. ఇంతకు ముందు ఎప్పుడూ ఇటువంటి మ్యూజిక్ ఎప్పుడూ వినలేదని పేర్కొన్నారు. ఎవరిలో ప్రతిభ కనిపించినా వారిని ప్రోత్సహించడంలో బాలీవుడ్ మెగాస్టార్ అమితాబ్ బచ్చన్ ముందుంటారు. తాజాగా మౌత్ ఆర్గాన్తో అద్భుతంగా సంగీతాన్ని సృష్టించిన ఓ యువకుడి టాలెంట్కు ఈయన ముగ్దుడయ్యారు. ఆ వీడియోను ట్విట్టర్ వేదికగా పంచుకుని అతడిని ప్రశంసిచారు బిగ్బీ.
దాదాపు ఐదు నిమిషాల పాటు సాగే ఈ వీడియోను చూసిన అమితాబ్.. “మౌత్ ఆర్గాన్తో ఇంత వినసొంపైన సంగీతాన్ని ఇంతకుముందెన్నడూ వినలేదు. అద్భుతం” అని ట్విట్టర్లో రాసుకొచ్చారు. కేరళకు చెందిన ఓ అమ్మాయి ఫ్యూజన్ మ్యూజిక్ ప్రదర్శించిన వీడియోను గతంలో ట్విట్టర్ వేదికగా అభిమానులతో పంచుకున్నారు బిగ్బీ. ఇటీవలే కరోనా బారిన పడిన అమితాబ్.. ముంబయిలోని నానావతి ఆసుపత్రిలో ప్రస్తుతం చికిత్స తీసుకుంటున్నారు.
