అంగారకుడి యాత్రకు మరోసారు సన్నద్ధమవుతోంది నాసా. ఇప్పటివరకు 8సార్లు విజయం సాధించిన అమెరికా అంతరిక్ష పరిశోధన సంస్థ.. తాజాగా ఈ నెల 30న మరో రోవర్ను అంగారకుడి వద్దకు పంపనుంది. అంగారకుడిపై ఇప్పటి వరకు జరిపిన ప్రయోగాల్లో ఈ “పెర్సీవరెన్స్” అతిపెద్దదని, అత్యంత మేధస్సు కలిగినదని నాసా పేర్కొంది.
ఈ రోవర్ ల్యాండింగ్ కోసం అత్యాధునిక సాంకేతికతను వినియోగించింది నాసా. ఇతర ప్రాజెక్టులతో పోల్చితే.. అంగారకుడిపై చిత్రాలు తీయడానికి, ధ్వనిని రికార్డు చేయడానికి ఇందులోనే ఎక్కువ కెమెరాలు, మైక్రోఫోన్లు అమర్చింది. గ్రహంపై ఉన్న రాళ్లను సేకరించే ట్యూబులు కూడా అత్యంత శుభ్రమైనవని వెల్లడించింది నాసా.ఇతర స్పేస్క్రాఫ్ట్ల లాగే పర్సర్వెన్స్ కూడా 300 మిలియన్ మైళ్లుకన్నా ఎక్కువ దూరం ప్రయాణించి వచ్చే ఏడాది ఫిబ్రవరిలో అంగారకుడిపై అడుగుపెట్టే అవకాశముందని శాస్త్రవేత్తలు తెలిపారు.ఈ ఆరు చక్రాల పెర్సీవరెన్స్.. నాసా ప్రతిష్టాత్మక “క్యూరియాసిటీ” రోవర్తో పోలి ఉంటుంది. అయితే ఇది క్యూరియాసిటీ అప్గ్రేడ్ వర్షెన్. దీని 7 అడుగుల రోబోటిక్ ఆర్మ్కు ఎంతో శక్తివంతమైనది. ఎంతో లోతుగా తవ్వి.. రాళ్ల నమూనాలను సేకరించే బలం దీని సొంతం. ఇన్ని విశిష్టతలున్న పెర్సీవరెన్స్ ప్రాజెక్ట్ కోసం నాసా 3 బిలియన్ డాలర్లను వెచ్చించింది.
