ఏపీలో మరో ఘోరం జరిగింది. పల్నాడులో పట్టాలు తప్పింది రైలు. పల్నాడు జిల్లా దాచేపల్లి మండలం శ్రీనివాసపురం రైల్వే గేటు వద్ద ఓ గూడ్స్ రైలు పట్టాలు తప్పింది. నడికుడి నుండి పొందుగుల – మధ్యలో ఓ గూడ్స్ రైలు పట్టాలు తప్పింది. తెలంగాణ రాష్ట్ర పరిధిలోని విష్ణుపురం రాశి సిమెంట్ ఫ్యాక్టరీలోకి , సిమెంట్ లోడింగ్ కోసం వెళుతోంది గూడ్స్ రైలు. అయితే… గూడ్స్ రైలు పట్టాలు తప్పడంతో రైలు గేటు వద్ద కొద్దిసేపు నిలిచిపోయాయి వాహనాలు.
దీంతో వెంటనే అలర్ట్‌ అయ్యారు అధికారులు. సంఘటన స్థలానికి చేరుకున్న రైల్వే పోలీసులు, అధికారులు…సహాయక చర్యలు చేపట్టారు. గుంటూరు- హైదరాబాద్ మద్య నడవాల్సిన రైళ్ళ ను విజయవాడ మీదుగా దారి మళ్లించారు అధికారులు. ఇక పట్టాలు తప్పిన గూడ్స్ రైలును తరలించే ప్రయత్నాలు చేస్తున్నారు రైల్వే పోలీసులు, అధికారులు.
