టీడీపీ అధినేత చంద్రబాబుకు అరుదైన గౌరవం దక్కింది. అయోధ్య రామాలయంలో శ్రీరామ ప్రాణ ప్రతిష్ట కార్యక్రమానికి టీడీపీ అధినేత చంద్రబాబుకు ఆహ్వానం అందింది. ఈ నెల 22వ తేదీన అయోధ్య రామజన్మభూమి దేవాలయంలో జరిగే ప్రాణ ప్రతిష్ట కార్యక్రమానికి రావాల్సిందిగా టీడీపీ అధినేత చంద్రబాబుకు ఆహ్వానం అందింది.
ఈ మేరకు చంద్రబాబుకు ఆహ్వానం పంపారు శ్రీ రామజన్మభూమి తీర్థ క్షేత్ర ట్రస్ట్ ప్రతినిధులు. కాగా, అయోధ్యలో శ్రీరాముడి ప్రాణప్రతిష్ఠ కార్యక్రమానికి ముహూర్తం సమీపిస్తోంది. జనవరి 22వ తేదీన జరగనున్న ఈ ప్రతిష్టాత్మక వేడుకకు సర్వం సిద్ధమవుతోంది. ఈ బృహత్తర కార్యక్రమంలో భాగం అయ్యేందుకు ఇప్పటికే దేశ నలుమూలల నుంచి భక్తులు అయోధ్యకు తరలి వెళ్తున్నారు. మరోవైపు రామమందిర ప్రారంభోత్సవానికి హాజరు కావాలంటూ ట్రస్టు సభ్యులు ఇప్పటికే పలువురు సినీ, రాజకీయ, క్రీడా ప్రముఖులకు ఆహ్వానాలు అందించారు.
