చంద్రబాబు ప్రమాణ స్వీకారం.. దాదాపుగా 5 కిలోమీటర్ల మేర వాహనాలు నిలిచిపోయాయి. చంద్రబాబు నాయుడు ప్రమాణ స్వీకార మహోత్సవానికి రాష్ట్రవ్యాప్తంగా టీడీపీ, జనసేన, బీజేపీ కార్యకర్తలు పెద్దఎత్తున హాజరవుతున్నారు. ఈ కారణంగా గుంటూరు జిల్లా మంగళగిరి సమీపంలో జాతీయ రహదారిపై టోల్‌గేట్ వద్ద రాయలసీమ నుంచి వస్తున్న వాహనాలతో భారీగా ట్రాఫిక్ నిలిచిపోయింది.
కాగా, ఆంధ్రప్రదేశ్‌ నూతన ముఖ్యమంత్రిగా మరికొద్ది సేపట్లో నారా చంద్రబాబు నాయుడు ప్రమాణ స్వీకారం చేయనున్నారు. కృష్ణాజిల్లా గన్నవరం సమీపంలోని కేసరపల్లిలో జరగనున్న ఈ కార్యక్రమానికి అతిరథమహారథులు తరలివస్తున్నారు. ఇప్పటికే టీడీపీ కార్యకర్తలు, అభిమానులు సభా ప్రాంగణానికి చేరుకున్నారు. మరోవైపు ఒక్కొక్కరుగా తరలివస్తున్న ప్రముఖుల ఫొటోలు నెట్టింట వైరల్ అవుతున్నాయి.
