పల్నాడు జిల్లా ముప్పాళ్ళలో దారుణం చోటు చేసుకుంది. సహజీవనం చేస్తున్న మహిళతో పాటు, ఆమె కొడుకును హత్య చేసేందుకు ప్రయత్నించాడు ముద్దా శ్రీను అనే వ్యక్తి. తెలంగాణ రాష్ట్రానికి చెందిన ఓ మహిళతో గడిచిన మూడు సంవత్సరాలుగా హైదరాబాదులో సహజీవనం చేస్తున్నారు ఈపూరు మండలం ముప్పాళ్ళకు చెందిన ముద్ద శ్రీను. ముద్ద శ్రీను వల్ల గర్భం రావడంతో తనను పెళ్లి చేసుకోమని ఒత్తిడి తెచ్చింది ఆ బాధిత మహిళ. దీంతో మహిళతో పాటు ఆమె కొడుకును అడ్డు తొలగించుకునేందుకు ముద్దా శ్రీను ప్లాన్‌ వేశాడు.
హైదరాబాద్ నుంచి సొంత గ్రామం ముప్పాళ్ళ తీసుకువచ్చి , గొంతు నులిమి చంపేందుకు, యత్నించాడని ముద్ద శ్రీను పై పోలీసులు కేసు నమోదు అయింది. అంతకు ముందే ఆ మహిళను ,ఆమె బిడ్డను చంపి పాతి పెట్టేందుకు, ముందుగానే గోతులు తవ్వి ఉంచాడు ముద్ద శ్రీను.. మహిళను హత్య చేసే క్రమంలో, కేకలు వేయడం జరిగింది. దీంతో సమీపంలో ఉన్న హైడల్ ప్రాజెక్ట్ ఉద్యోగులు వ్యవహారాన్ని పసిగట్టడంతో మహిళకు , ఆమె బిడ్డకు ముప్పు తప్పింది. హైడల్ ప్రాజెక్ట్ ఉద్యోగులు ఇచ్చిన సమాచారంతో పోలీసులు రావడంతో పరారయ్యాడు నిందితుడు ముద్ద శ్రీను. అటు బాధితురాలి ఫిర్యాదు మేరకు ఎస్సీ ఎస్టీ అట్రాసిటీ కేసుతో పాటు, హత్యాయత్నం కింద కేసు నమోదు అయింది.
