ఏపీ టెన్త్ విద్యార్థులకు గుడ్ న్యూస్. పదవ తరగతి పరీక్ష ఫీజు చెల్లింపు గడుపును పొడిగిస్తూ రాష్ట్ర ప్రభుత్వం ఉత్తర్వులు జారీ చేసింది. ఆలస్య రుసుము లేకుండా ఈనెల 30 వరకు, రూ. 50 లేట్ ఫీజుతో డిసెంబర్ 1 నుంచి 4 వరకు, రూ. 200 లేట్ ఫీజుతో డిసెంబర్ 5 నుంచి 9 వరకు, రూ. 500 ఆలస్య రుసుముతో డిసెంబర్ 10 నుంచి 14 వరకు ఫీజు చెల్లించవచ్చని ప్రభుత్వం తెలిపింది.
ఇది ఇలా ఉండగా…జర్నలిస్టుల హౌస్ సైట్ కోసం ఆన్ లైన్ రిజిస్ట్రేషన్ ప్రారంభం అయింది. ఆంధ ప్రదేశ్‌ రాష్ట్రంలో అర్హులైన జర్నలిస్టులకు 3 సెంట్ల హౌస్ సైట్ ఇచ్చేందుకు జగన్ మోహన్‌ రెడ్డి ప్రభుత్వం నిర్ణయం తీసుకున్న సంగతి తెలిసిందే.మొన్న జరిగిన కేబినేట్‌ సమావేశంలో ఆంధ ప్రదేశ్‌ రాష్ట్రంలో అర్హులైన జర్నలిస్టులకు 3 సెంట్ల హౌస్ సైట్ ఇచ్చేందుకు సీఎం జగన్ మోహన్‌ రెడ్డి నిర్నయం తీసుకున్నారు. అయితే.. తాజాగా ఈ జర్నలిస్టుల హౌస్ సైట్ రిజిస్ట్రేషన్ కోసం ఆన్ లైన్ విధానం ప్రారంభం అయింది.
