ఏపీలో ఘోర రోడ్డు ప్రమాదం జరిగింది. ప్రకాశం జిల్లా త్రిపురాంతకంలో అర్ధరాత్రి ఘోర రోడ్డు ప్రమాదం జరిగింది. ఆర్టీసీ బస్సు, కారు ఢీకొని కారులో ప్రయాణిస్తున్న నలుగురు చనిపోగా… మరో ఇద్దరూ గాయాలతో వినుకొండలోని ఆసుపత్రిలో చికిత్స పొందుతున్నారు.
మృతులు విజయవాడ వాంబే కాలనీకి చెందిన పి.శ్రీను (35), సాయి (32), శేఖర్ (33), కే శ్రీను (22) గా గుర్తించారు. వీరంతా అనంతపురం నుంచి విజయవాడ వెళ్తుండగా ప్రమాదం జరిగింది. ఈ సంఘటనపై కేసు నమోదు చేసుకున్న పోలీసులు… దర్యాప్తు చేస్తున్నారు.
