నేడు చంద్రబాబుకు మద్దతుగా “మోత మోగిద్దాం” నిర్వహించనుంది టీడీపీ పార్టీ. నేడు చంద్రబాబు కు మద్దతుగా రాత్రి 7:00 నుండి 5 నిమిషాలు పాటు మోత మోగిద్దాం అంటూ ఆందోళనకు టిడిపి శ్రేణులకు నారా బ్రాహ్మణి పిలుపునిచ్చారు. చంద్రబాబును అక్రమ అరెస్టు చేస్తే ప్రజాగ్రహం ఎలా ఉంటుందో చూపిద్దామని… తప్పుడు కేసులు బనాయిస్తే వెనక్కి తగ్గమని నిరూపిద్దామని ఈ “మోత మోగిద్దాం” కార్యక్రమంలో భాగంగా నినాదాలు ఇవ్వాలని టిడిపి శ్రేణులకు నారా బ్రాహ్మణి పిలుపునిచ్చారు.
నిలువెత్తు నిజాయితీ రూపం, తెలుగు తేజం చంద్రబాబుకి మద్దతుగా తెలుగు వారంతా ఉన్నారని నిరూపించే తరుణం ఇదంటూ పేర్కొన్నారు బ్రాహ్మణి. నిష్కళంక రాజకీయ మేరునగధీరుడు చంద్రబాబు నాయుడుకి మద్దతుగా ఉన్న చోటే మోత మోగించి ప్రజాస్వామ్యబద్ధంగా ప్రజాశబ్ధం వినిపించాలని టిడిపి శ్రేణులకు నారా బ్రాహ్మణి పిలుపునిచ్చారు. కాగా రాజమండ్రి సెంట్రల్ జైలులోని టిడిపి అధినేత చంద్రబాబు రిమాండ్ నేటికి 21వ రోజుకు చేరింది. స్కిల్ డవలప్ మెంట్ స్కాం కేసులో ఈనెల 9వ తేదీన అరెస్టయిన చంద్రబాబు..జైళ్లో ఉన్నారు.
