తిరుమల వెళ్లే భక్తులకు అలర్ట్‌. ఇవాళ శ్రీవారి ఆర్జిత సేవా టికెట్ల కోటా విడుదల కానున్నాయి. ఫిబ్రవరి నెలకు సంబంధించిన ఆర్జిత సేవల టికెట్ల కోటాను టీటీడీ ఇవాళ విడుదల చేయనుంది. ఈ నెల 22 నుంచి 28వ తేదీ వరకు జరిగే ఆర్జిత సేవల టికెట్లను విడుదల చేసేందుకు టీటీడీ సిద్ధమయింది.
ఈ టికెట్ల ఆన్లైన్ బుకింగ్ ను ఇవాళ మధ్యాహ్నం 12 గంటలకు విడుదల చేయనున్నారు. ఉదయం 10 గంటలకు వర్చువల్ సేవా టికెట్లను విడుదల చేస్తారు. కాగా, తిరుమలలో భక్తుల రద్దీ సాధారణంగా ఉంది. 2 కంపార్టుమెంట్లలోనే భక్తులు వేచి ఉన్నారు. టోకెన్ లేని భక్తలకు సర్వ దర్శనానికి 2 గంటల సమయం పడుతోంది. కాగా నిన్న శ్రీవారిని దర్శించుకున్న 60,567 మంది భక్తులు కాగా.. తలనీలాలు సమర్పించిన 26,098 మంది భక్తులుగా ఉన్నారు. ఇక హుండీ ఆదాయం 5.40 కోట్లుగా నమోదు అయింది.
