తెలుగు రాష్ట్రాల్లో ఎన్నికల పోలింగ్ ప్రారంభమైంది. ఇప్పటికే ఉపాధి కోసం వేరే ప్రాంతాల్లో సెటిల్ అయిన ప్రజలంతా తమ ఓటు హక్కు వినియోగించుకునేందుకు తమ స్వస్థలాలకు చేరుకుంటున్నారు. దీంతో బస్ స్టేషన్లు, రైల్వే స్టేషన్లు కిక్కిరిసిపోతున్నాయి. అలాగే ఓటు హక్కు వినియోగించుకోవాలంటూ ఇప్పటికే ఎన్నికల సంఘం కూడా విస్తృతంగా ప్రచారం చేసింది. ఈసారి గతం కంటే పోలింగ్ శాతం పెంచేలా అధికారులు చర్యలు తీసుకున్నారు. అయితే ఈరోజు పోలింగ్కు వర్షం అడ్డువచ్చే అవకాశం ఉందని వాతావరణ శాఖ హెచ్చరించింది.
ఎలాంటి అడ్డంకులు ఎదురైనా ఓటు హక్కును వినియోగించుకోవాల్సిందేనని ఎన్నికల అధికారులు సూచిస్తున్నారు. ఎన్నికల గురించి, ఓటు హక్కు విలువ, ప్రయోజనాల గురించి పలు సినిమాల్లోనూ తెలియజేస్తూ దర్శకులు సన్నివేశాలను కూడా తీర్చిదిద్దారు. అలాంటి వాటిలో కోలీవుడ్ స్టార్ విజయ్ దళపతి నటించిన సర్కార్‌ కూడా ఒకటి. ప్రముఖ దర్శకుడు మురుగదాస్‌ డైరెక్షన్లో వచ్చిన ఈ సినిమాలో విజయ్ ఓటు ప్రయోజనాన్ని గురించి చెప్పే సన్నివేశం హైలైట్గా ఉంటుంది. ప్రస్తుతం పోలింగ్కు అంతా సిద్ధమైన నేపథ్యంలో విజయ్ చెప్పిన ఆ డైలాగ్ మీరూ చూసేయండి.
