ఏపీ రైతులకు గుడ్ న్యూస్ చెప్పింది జగన్ సర్కార్‌. ఇవాళ వైయస్సార్ రైతు భరోసా నిధులను సీఎం జగన్ అర్హులైన రైతుల ఖాతాల్లో జమ చేయనున్నారు. వరుసగా ఏడో ఏడాది కౌలు రైతులతో పాటు దేవాదాయ భూములు సాగుచేసే వారికి రైతు భరోసా నిధులను అందించనున్నారు.
సిసిఆర్సిలు పొందిన వారిలో అర్హులైన 1,42,693 మంది కౌలుదారులతో పాటు 3,631 మంది దేవాదాయ భూముల సాగుదారుల ఖాతాల్లో తొలి విడతగా రూ.7500 చొప్పున రూ.109.74 కోట్లను జమ చేయనున్నారు. ఇవాళ ఉదయం 11 గంటలకు తాడేపల్లి క్యాంపు కార్యాలయం నుంచి ఈ కార్యక్రమం ప్రారంభం అవుతుంది. ఈ సందర్భంగా బటన్‌ నొప్పి.. రైతుల ఖాతాల్లో డబ్బులు వేయనున్నారు సీఎం జగన్.
వైయస్సార్ రైతు భరోసా నిధులు
మొత్తం 1,46,324 మందికి లబ్ది
ఒక్కొక్కరికి రూ.7,500 చొప్పున ఆర్థిక సహాయం
లబ్ధిదారుల ఖాతాల్లో 109.74 కోట్ల రూపాయలు జమ చేయనున్న సీఎం జగన్
