బాలీవుడ్ న‌టి హ్యూమా ఖురేషీ గురించి పెద్ద‌గా ప‌రిచ‌యం అవసరం లేదు. గ్యాంగ్ ఆఫ్ వాస్సేపూర్ మూవీతో ఇండ‌స్ట్రీలోకి అరంగేట్రం చేసి త‌క్కువ స‌మ‌యంలోనే స్టార్ హీరోయిన్గా గుర్తింపు తెచ్చుకుంది. అయితే తాజాగా ఈ ముద్దుగుమ్మ యానిమల్ మూవీ పై ప్ర‌శంస‌ల వ‌ర్షం కురిపించింది.ఈ చిత్రం గురించి హ్యూమా ఖురేషీ మాట్లాడుతూ.. ఈ సినిమా నాకు చాలా న‌చ్చింది. ఈ సినిమాలో యాక్షన్, మ్యూజిక్ అన్నీ బాగున్నాయి. ఇలాంటి చిత్రంలో తాను కూడా నటించాలని అనుకుంటున్నా. ఒక నటిగా అన్ని ర‌కాల చిత్రాలు చేయాలి. అయితే ఆ మూవీస్ చూడాలా వద్దా అనేది ప్రేక్షకుల ఇష్టం. సినిమా అన్నాక ప్ర‌శంస‌ల‌తో పాటు విమర్శలు కూడా వ‌స్తుంటాయి. అంటూ హ్యూమా చెప్పుకొచ్చింది. కాగా ప్ర‌స్తుతం ఈ వ్యాఖ్యలు సోషల్ మీడియాలో వైరల్ అవుతున్నాయి .
సందీప్ రెడ్డి వంగా దర్శకత్వంలో బాలీవుడ్ స్టార్ రణబీర్ కపూర్ నటించిన చిత్రం యానిమల్. ఈ చిత్రంలో నేషనల్ క్రష్ రష్మిక హీరోయిన్గా నటించింది. బాబి డియోల్, అనిల్ కపూర్ తదితరులు కీలక పాత్రల్లో నటించారు.డిసెంబర్ ఒకటవ తేదీన విడుదలైన యానిమల్ చిత్రం 900 కోట్ల భారీ వసూళ్లను సాధించింది.
