సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా నటిస్తున్న తాజా చిత్రం పుష్ప-2 . పుష్ప ఫస్ట్ పార్ట్ ఓ రేంజ్ లో బ్లాక్ బస్టర్ హిట్ కావడంతో ఇప్పుడు దానికి సీక్వెల్గా పుష్ప-ది రూల్ను తెరకెక్కిస్తున్న విషయం తెలిసిందే.ఇక ఈ సినిమా కోసం ప్రేక్షకులు ఎంతో ఆసక్తిగా ఎదురు చూస్తున్నారు. ఈ ఏడాది ఆగస్టు 15న పుష్ప 2 ను ప్రేక్షకుల ముందుకు తీసుకురావడానికి మేకర్స్ సన్నహాలు చేస్తున్నారు.
ఇదిలా ఉంటే… పుష్ప-2 మూవీ సెకండ్ సింగల్ను మెలోడీ క్వీన్ శ్రేయా ఘోషల్ పాడినట్లు చిత్ర యూనిట్ వెల్లడించింది. ‘సూసేకి అగ్గిరవ్వ మాదిరి ఉంటాడే నా సామి’ అంటూ తెలుగులో సాగే ఈ పాటను హిందీ, తమిళ, కన్నడ, మలయాళం, బెంగాలీ భాషల్లోనూ ఆమె పాడారని తెలిపింది. ఈ నెల 29న ఉదయం 11.07 గంటలకు ఫుల్ సాంగ్ను రిలీజ్ చేస్తామంది. ఇప్పటికే విడుదలైన పుష్ప సాంగ్ ప్రేక్షకులను అలరిస్తోంది.ఈ సినిమాలో రష్మిక మందాన్న కథానాయికగా నటిస్తుంది. ఈ చిత్రానికి ఫేమస్ మ్యూజిక్ డైరెక్టర్ దేవిశ్రీప్రసాద్ సంగీతాన్ని అందిస్తున్నాడు
