జగిత్యాలలో పోలీసుల మీద దాడులు.. విడిపించుకుని పోయిన ఎమ్మెల్యే!

జగిత్యాల జిల్లాలో పోలీసుల మీద దాడులు ఆగడం లేదు. జిల్లాలో ఆకతాయిలు రోజురోజుకూ రెచ్చిపోతున్నారు. వారి ఆగడాలకు అడ్డుఅదుపూ లేకుండా పోతోంది. శాంతిభద్రతలకు విఘాతం కల్పిస్తున్నా వారిపై చర్యలు తీసుకోవడంలో పోలీసులు విఫలం అవుతున్నారు.స్థానిక ఎమ్మెల్యే అండదండలతో వారు రెచ్చిపోతున్నట్లు సమాచారం. ఈ క్రమంలోనే ఓ పెట్రోల్ బంక్‌లో కస్టమర్‌కు, సిబ్బందికి మధ్య వాగ్వివాదం నెలకొంది.

దీంతో బంక్ యాజమాన్యం పోలీసులకు సమాచారం ఇచ్చారు. విచారణకు వచ్చిన పోలీసులపై ఆకతాయిలు దాడికి పాల్పడి పెట్రోల్ బంక్‌లో విధ్వంసానికి యత్నించారు.విధులకు ఆటంకం కలిగించారని బోదుకాని శేఖర్, తమ్మ గంగారాంలపై టౌన్ ఎస్సై గీత కేసు నమోదు చేసింది.
ఇద్దరిలో ఒకరు ఎమ్మెల్యే సంజయ్ కుమార్ మనిషి కావడంతో ఒత్తిడి చేసి విడిపించుకొని పోయినట్లు తెలుస్తోంది.