అటు జాబ్‍ని ఇటు జీవితాన్ని మేనేజ్ చేయడం ఈ మధ్యకాలంలో కష్టంగా మారిపోయింది. దీనివల్ల మానసిక సమస్యలు ఎక్కువ అవుతున్నాయి. జీవితంలోకి జాబ్ టెన్షన్స్ వచ్చేసి సరిగ్గా జీవించలేకపోతున్నారు. మీరు కూడా వర్క్ ని లైఫ్ ని బ్యాలెన్స్ చేయలేకపోతే ఈ టిప్స్ పాటించండి.
బౌండరీస్ ఉండాలి:
పనిచేస్తున్నప్పుడు ఇంటి విషయాలు ఆలోచించకూడదు, ఇతరులతో చర్చించకూడదు. అలాగే ఇంటికి వచ్చిన తర్వాత జాబ్ విషయాలను పక్కన పెట్టాలి. మెయిల్స్ చెక్ చేయకూడదు. ఈ విషయంలో కఠినంగా ఉండాలి.
నో చెప్పడం నేర్చుకోవాలి:
ఇంటికి వచ్చిన తర్వాత ఆఫీస్ పనికి సంబంధించి ఏదైనా కాల్ వస్తే నేను చేయలేను అని చెప్పే కెపాసిటీ మీకు ఉండాలి. లేదంటే ఇబ్బంది పడతారు. మొహమాటానికి పోతే అనవసరంగా మానసిక ఒత్తిడి కలుగుతుంది.
అప్పుడప్పుడు ఆఫీస్ మానేయాలి:
అవును.. అస్తమానం పని పని అని తిరగకుండా అప్పుడప్పుడు ఆఫీస్ మానేసి సరదాగా పిక్నిక్ వెళ్లాలి. దీనివల్ల మూడ్ రిఫ్రెష్ అవుతుంది. కొత్తగా శరీరంలోకి శక్తి వస్తుంది. దీనివల్ల పనిచేసే సామర్థ్యం ఇంకా పెరుగుతుంది.
సోషల్ మీడియా అసలే వద్దు:
పని వేళల్లో సోషల్ మీడియాకు దగ్గరై పనికి దూరం కావద్దు. మిమ్మల్ని పక్కదోవ పట్టించే విషయాల మీద దృష్టి పెట్టకపోతే బాగుంటుంది. దీనికోసం సోషల్ మీడియాకు ప్రత్యేకంగా ఒక సమయాన్ని కేటాయించండి.
చిన్నచిన్న బ్రేక్స్ కావాలి:
ఒకసారి వర్క్ మీద కూర్చుంటే అదే పనిగా చేస్తూ పోవడం మంచిది కాదు. కనీసం అరగంటకు ఒకసారి బ్రేక్ తీసుకోవాలి. కాస్త రెండు నిమిషాలు అలా నడిచి మళ్ళీ వర్క్ మీదకు వెళ్లాలి.
