‘అఖండ’ సినిమాతో అఖండ విజయాన్ని తన ఖాతాలో వేసుకున్న నందమూరి బాలకృష్ణ.. క్రాక్ సినిమాతో క్రేజీ హిట్ సొంతం చేసుకున్న గోపిచంద్ మలినేని దర్శకత్వంలో తెరకెక్కుతోన్న #NBK107 మూవీ నుంచి క్రేజీ అప్డేట్ వచ్చింది. అవుట్‌ అండ్ అవుట్‌ యాక్షన్ డ్రామా నేపథ్యంలో తెరకెక్కుతున్న ఈ మూవీ షూటింగ్‌ ప్రస్తుతం చివరి దశలో ఉంది. ఇప్పటికే చిత్రబృందం విడుదల చేసిన పోస్టర్‌లు, గ్లింప్స్‌ సినిమాపై విపరీతమైన అంచనాలు క్రియేట్‌ చేశాయి. ఇదిలా ఉంటే చిత్రయూనిట్‌ తాజాగా మరో బిగ్ అప్డేట్ ప్రకటించింది.
ఈ సినిమా టైటిల్‌ను అక్టోబర్‌ 21న రివీల్‌ చేయనున్న విషయం తెలిసిందే. కాగా ఈ సినిమా టైటిల్ లోగోను కర్నూల్‌లోని కొండా రెడ్డి బురుజు దగ్గర లాంచ్‌ చేయనున్నట్లు చిత్రబృందం తాజాగా వెల్లడించింది. అయితే టాలీవుడ్‌ చరిత్రలో టైటిల్ లోగో లాంచ్‌ కోసం ప్రోగ్రామ్ చేయడం అనేది ఇదే మొదటి సారి.
మరో క్రేజీ న్యూస్ ఏంటంటే.. #NBK107 సినిమాకు “వీరసింహా రెడ్డి” అనే టైటిల్ ను దాదాపు ఖరారు చేసినట్లు సమాచారం. ఇప్పటి వరకు బాలకృష్ణ నటించిన సింహా అనే పేరుతో టైటిల్ ఉన్న సినిమాలన్నీ సూపర్ హిట్ అయ్యాయి. ఇప్పుడు ఈ మూవీ కూడా బ్లాక్ బస్టర్ హిట్ అవుతోందని బాలయ్య బాబు ఫ్యాన్స్ ఆశిస్తున్నారు.
ఈ చిత్రంలో బాలకృష్ణ ద్విపాత్రాభినయం చేయనున్నట్లు సమాచారం. శృతిహాసన్‌ హీరోయిన్‌గా నటిస్తున్న ఈ చిత్రంలో కన్నడ యాక్టర్‌ దునియా విజయ్‌ ప్రతినాయకుడిగా నటిస్తున్నాడు. ఇప్పటికే ఈ సినిమాకు థియేట్రికల్‌, నాన్‌-థియేట్రికల్‌ బిజినెస్‌ భారీ స్థాయిలో జరిగిందని సమాచారం.
