పవన్ కళ్యాణ్ కి ప్రముఖ నటుడు , నిర్మాత, హీరోగా గుర్తింపు తెచ్చుకున్న బండ్ల గణేష్ వీరాభిమాని అని చెప్పవచ్చు. అంతేకాదు పవన్ కళ్యాణ్ కి నమ్మిన బంటు లాంటివాడు బండ్ల గణేష్.. ఒకవైపు కమెడియన్గా వెండి తెర పై అలరించిన ఈయన నిర్మాతగా కూడా రాణించారు. కమెడియన్ గా తెలుగు చిత్ర పరిశ్రమలో తన మార్కును చూపించిన ఈయన.. మాటల తూటాలతో జనం మదిలో నిలిచిపోయారని చెప్పవచ్చు. ఒకవైపు సినిమాలు చేస్తూనే మరొకవైపు బిజినెస్ మాన్ గా కూడా బండ్ల గణేష్ సత్తా చాటుతున్నారు అంతేకాదు రాజకీయాలలో కూడా యాక్టివ్ గా ఉండే ఈయన తన గురువు పవన్ కళ్యాణ్ స్థాపించిన జనసేన పార్టీలో మాత్రం చేరలేదు. కాంగ్రెస్ తరపున ప్రచారం చేస్తూ రాజకీయం వేరు సినిమా ఇండస్ట్రీ వేరు అంటూ నిరూపించారు.
ఇకపోతే పవన్ కళ్యాణ్ అంటే బండ్ల గణేష్ కి ఎంత ఇష్టమో మనం ప్రత్యేకంగా చెప్పాల్సిన అవసరం లేదు. పవన్ నా దేవుడు అంటూ ఓపెన్ గా మాట్లాడే బండ్ల గణేష్ వీలు కుదిరినప్పుడల్లా ఆయనపై ఎక్కడలేని ప్రేమ చూపిస్తూ ఉంటాడు. ఇక ఈ క్రమంలోనే ఇప్పుడు పవన్ కళ్యాణ్ ని తలుచుకుంటూ పవన్ కళ్యాణ్ అభిమానులకు బూస్ట్ ఇవ్వబోతున్నారు బండ్ల గణేష్.
