డిజిటల్ కరెన్సీని(హోల్సేల్) నవంబర్ 1 నుంచి ప్రయోగాత్మకంగా అందుబాటులోకి తీసుకువస్తున్నట్ల రిజర్వ్ బ్యాంక్ ఆఫ్ ఇండియా ప్రకటించింది. ‘సెంట్రల్‌ బ్యాంక్ డిజిటల్ కరెన్సీ (సీబీడీసీ)’గా వ్యవహరించే డిజిటల్ రూపాయి లావాదేవీలను రేపు ప్రారంభించనున్నట్లు తెలిపింది. ప్రభుత్వ సెక్యూరిటీస్లోని సెకండరీ మార్కెట్ లావాదేవీలకు మొదట డిజిటల్ రూపాయిని ప్రయోగాత్మకంగా వినియోగించనుట్లు పేర్కొంది.
స్టేట్ బ్యాంక్ ఆఫ్ ఇండియా, బ్యాంక్ ఆఫ్ బరోడా, యూనియన్ బ్యాంక్ ఆఫ్ ఇండియా, హెచ్డీఎఫ్సీ బ్యాంక్, ఐసీఐసీఐ బ్యాంక్, కొటక్ మహీంద్ర బ్యాంక్, యెస్ బ్యాంక్, ఐడీఎఫ్సీ ఫస్ట్ బ్యాంక్, హెచ్ఎస్బీసీ బ్యాంకును పైలెట్ ప్రాజెక్ట్లో భాగస్వాములను చేస్తున్నట్లు ఆర్బీఐ వెల్లడించింది. నెల రోజుల వ్యవధిలోనే రిటైల్ రంగంలోనూ డిజిటల్ రూపాయిని ప్రారంభిస్తామని తెలిపింది. అక్రమ నగదు చలామణీని అరికట్టేందుకు ‘డిజిటల్ రూపాయి’ తీసుకుస్తున్నట్లు ఆర్బీఐ పేర్కొంది.
ప్రస్తుతం మన నగదును డిజిటల్ రూపంలోకి మార్చుకుని, వినియోగించుకుంటున్నాం. ఈ చెల్లింపులకు బాధ్యత వాణిజ్య బ్యాంకులది అయితే, సీబీడీసీ చెల్లింపులకు ఆర్బీఐ బాధ్యత వహిస్తుంది.
