పాన్ ఇండియా స్టార్ ప్రభాస్ జోరు మీదున్నారు. ఆయన వరుస సినిమాల్లో ఫుల్ బిజీగా ఉన్నారు. ఈ క్రమంలోనే నెక్స్ట్ ఫిల్మ్స్ కూడా ఓకే చేస్తూనే ఉన్నారు. ఇటీవల ఆయన నటించిన ఫిల్మ్ ‘రాధేశ్యామ్’ విడుదలైంది. కానీ, ఈ పిక్చర్ అనుకున్న స్థాయిలో ప్రేక్షకులను ఆకట్టుకోలేకపోయింది. ఇక టాలీవుడ్ సక్సెస్ ఫుల్ డైరెక్టర్ మారుతి తో ప్రభాస్ సినిమా చేయబోతున్నట్లు వార్తలొస్తున్నాయి.
ఈ క్రమంలోనే అందుతున్న తాజా సమాచారం ప్రకారం..ప్రభాస్ – మారుతిల కాంబినేషన్ మూవీ ఎంటర్ టైనర్ గా ఉండబోతుందట. ఈ పిక్చర్ డీవీవీ ఎంటర్ టైన్మెంట్స్ బ్యానర్ పై డీవీవీ దానయ్య ప్రొడ్యూస్ చేయబోతున్నారని టాక్. ఈ సినిమాకు ‘రాజా డీలక్స్’ అనే టైటిల్ రిజిస్టర్ చేయించారట.
ఇక ఈ సినిమాలో ప్రభాస్ కు జోడీగా ఏకంగా ముగ్గురు హీరోయన్స్ నటిస్తారని టాక్. మారుతి చిత్రాన్ని తన మార్క్ కామెడీతో పాటు సొసైటీకి మెసేజ్ ఇచ్చేలా ప్లాన్ చేస్తున్నారట. త్వరలో ఈ మూవీకి సంబంధించిన పూర్తి వివరాలు అధికారికంగా చెప్తారు.
ప్రభాస్ ప్రస్తుతం ‘ప్రాజెక్ట్ కే, ఆదిపురుష్, సలార్’ సినిమాల షూటింగ్స్ లో పాల్గొంటున్నారు. వీటి తర్వాత ‘స్పిరిట్’ ఫిల్మ్ చేయనున్నారు. ఇది ప్రభాస్ కు 25వ చిత్రం కాగా, మారుతి దర్శకత్వంలో తెరకెక్కే చిత్రం 26వది. ప్రభాస్ నటించిన ‘రాధేశ్యామ్’ లవ్ స్టోరి కాగా, నెక్స్ట్ ఫిల్మ్స్ అన్నీ కూడా కమర్షియల్ ప్లస్ భారీ బడ్జెట్ చిత్రాలు కావడం విశేషం.
