ఉద్యోగులకు కేంద్రం షాక్.. ఇక ఇప్పట్లో లేనట్టే !

కేంద్ర ప్రభుత్వం తన ఉద్యోగులకు షాక్ ఇచ్చింది. డియర్ నెస్ అలవెన్స్ (డీఏ) పెంపు ఈ ఏడాదికి నిలిపివేస్తున్నట్లు ప్రకటించింది. అయితే ఇది అందరికీ కాదు సెంట్రల్ పబ్లిక్ సెక్టార్ ఎంటర్ప్రైజెస్ ఉద్యోగులకు మాత్రమేనని సమాచారం. వీరికి ఇండస్ట్రియల్ డీఏ వేతన మార్గదర్శకాల ప్రకారం జీతాలు అందుతాయని తాజా మార్గదర్శకాలలో పేర్కొన్నారు. 2020 అక్టోబరు 1 నుంచి 2021 జూన్ 30 వరకు ఈ రూల్స్ అమల్లోనే ఉంటాయని పేర్కొన్నారు.

money
money

కోవిడ్ -19 కారణంగా తలెత్తిన సంక్షోభం దృష్ట్యా సిపిఎస్‌ఇ యొక్క 2017, 2007, 1997, 1992 మరియు 1987 కింద జీతం పెంచే ఉద్యోగులకు డీఏ వాయిదాలు చెల్లించబడవని డిపిఇ తాజాగా ఒక ప్రకటనలో తెలిపింది. దీని చెల్లింపు 2020 అక్టోబర్ 1 నుండి చెల్లించాల్సి ఉంది. ఇది కాకుండా, జనవరి 1, 2021 మరియు ఏప్రిల్ 1, 2021 నుంచి, డిఎ బకాయిల యొక్క అదనపు ఇన్స్టాల్ మెంట్ కూడా చెల్లించబడదని ఆ విభాగం తెలిపింది. డీపీఏ చెల్లింపు ప్రస్తుత రేటుతోనే కొనసాగుతుందని డిపిఇ సర్క్యులర్ పేర్కొంది. అక్టోబర్ 1, 2020 నుండి జూన్ 30, 2021 వరకు ఎటువంటి ‘బకాయిలు’ చెల్లించబడవని డిపిఇ స్పష్టం చేసింది. సెంట్రల్ డియర్‌నెస్ అలవెన్స్ (సిడిఎ) పే స్కేల్ ఉన్న సిపిఎస్‌ఇ కార్మికుల డీఏ రేటు ఇప్పటికే ఆగిపోయింది.