తృణమూల్ కాంగ్రెస్ లో చేరాలని భార్య తీసుకున్న నిర్ణయంపై స్పందించిన బిజెపి నాయకుడు, ఎంపీ సౌమిత్రా ఖాన్ విడాకులు కోరుతూ తనకు లీగల్ నోటీసు పంపినట్లు చెప్పారు. సోమవారం ఆయన భార్య సుజాతా మొండల్ ఖాన్ కోల్‌కతాలో టిఎంసిలో చేరారు. “ఖాన్” అనే ఇంటిపేరు వాడటం మానేయమని నేను ఆమెను కోరుతున్నాను అని పేర్కొన్నాడు. ఈ రోజు నేను సుజాతతో అన్ని సంబంధాలను తెంచుకుంటున్నాను అని ప్రకటించారు.
నేను ఆమెకు విడాకుల నోటీసు పంపుతున్నాను అన్నారు. ఆమెకు ‘ఖాన్’ అని ముద్ర వేయవద్దని నేను మీడియాను కూడా అభ్యర్థిస్తున్నాను “అని సౌమిత్రా ఖాన్ అన్నారు. ఆయన వ్యాఖ్యలపై స్పందించిన సుజాత… సౌమిత్రా బిజెపిలాంటి చెడు వ్యక్తులు ఉన్న పార్టీలో ఉన్నారని ఆరోపించారు. “రాజకీయాలు మీ వ్యక్తిగత జీవితాల్లోకి ప్రవేశించినప్పుడు, అది ఒక బంధానికి మంచిది కాదు. సౌమిత్రా బిజెపికి చెందిన చెడ్డ వ్యక్తుల సహవాసంలో ఉన్నారు” అని ఆమె ఆరోపించారు.
ట్రిపుల్ తలాక్ ను రద్దు చేసిన పార్టీ ఈ రోజు నన్ను విడాకులు తీసుకోమని సౌమిత్రాను అడుగుతోంది,” సుజాత మొండల్ అన్నారు. 2019 లోక్‌సభ ఎన్నికల సందర్భంగా తన భర్త బిష్ణుపూర్ నుంచి ఎన్నికయ్యేందుకు పలు రిస్క్‌లు తీసుకున్నా కూడా తనకు తగిన గుర్తింపు రాలేదని పేర్కొంటూ సోమవారం సుజాతా మొండల్ ఖాన్ బిజెపి నుంచి టిఎంసికి మారారు.
