మరోసారి విస్తారా ఎయిర్ లైన్స్‌కు బాంబు బెదిరింపు ఫోన్ కాల్ వచ్చింది. కేవలం ఒక్క ఎయిర్ పోర్టులు, విమానాలకే కాకుండా ఈ మధ్యకాలంలో రైల్వే స్టేషన్లు, బస్టాండ్లు అనే తేడా లేకుండా కొందరు ఆకతాయిలు ఫేక్ కాల్స్ చేస్తూ ప్యాసింజర్లను భయభ్రాంతులకు గురిచేస్తున్నారు.పగలు,రాత్రి అనే తేడా లేకుండా బెదిరింపులకు గురిచేస్తున్నారు. దీంతో పోలీస్ స్టేషన్లలో ఫిర్యాదుల సంఖ్య క్రమంగా పెరుగుతోంది. గత 4 రోజుల వ్యవధిలో ఆగంతకులు ఇలా 35 నకిలీ కాల్స్ చేశారంటే పరిస్థితి ఏవిధంగా ఉందో అర్థం చేసుకోవచ్చు.
తాజాగా,ఢిల్లీలోని ఇందిరాగాంధీ ఇంటర్‌నేషనల్ ఎయిర్‌పోర్టు నుంచి లండన్ వెళ్లేందుకు విస్తారా ఎయిర్‌లైన్స్‌కు చెందిన విమానం బయలుదేరింది.టేకాఫ్ అయిన కొద్దిసేపటికే ఫ్లైట్‌లో బాంబులు పెట్టినట్లుగా ఓ ఆగంతకుడి నుంచి ఎయిర్‌పోర్టు సిబ్బందికి బెదిరింపు కాల్ వచ్చింది.దీంతో వెంటనే ఫ్లైట్ సిబ్బందికి సమాచారం అందజేయడంతో విమానాన్ని జర్మనీలోని ఫ్రాంక్‌ఫర్ట్‌‌కు దారి మళ్లించారు.అక్కడ భద్రతా ఏజెన్సీ నుంచి పూర్తి అనుమతులు వచ్చాకే విమానం బయలుదేరనున్నట్లుగా తెలుస్తోంది.
