కడుపుబ్బా నవ్వించే కామెడీ, సరదాగా సాగిపోయే ఆటపాటలు, సరదా ప్రశ్నలు, అప్పుడప్పుడు కంటతడి పెట్టంచే ఎమోషన్స్ ఇలా ఎంటర్టైన్మెంట్ చేసే షో ‘క్యాష్’. అయితే ఈ ప్రోగ్రామ్కు వ్యాఖ్యాతగా చేస్తున్న సుమ.. రాజమౌళి చేసిన ఓ పనికి షాక్ అయ్యారు అదేంటో తెలుసుకుందాం.
ఒక్క సినిమా ప్లాప్ లేకుండా… హిట్ కొట్టిన దర్శకధీరుడు రాజమౌళి. అయితే తన సినిమాల ప్రమోషన్లో వెనకడుగు వేయని రాజమౌళి… ప్రతీ ఒక్కరికీ రీచ్ అయ్యే విధంగా సినిమా ప్రమోట్ చేస్తుంటారు. అయితే రాజమౌళి నోట ఓ సినిమా పేరు వచ్చిందంటే.. అది కచ్చితంగా హిట్ అనే నమ్మకం ప్రేక్షకుల్లో ఉంది. తాజాగా ఆయన బ్రహ్మాస్త్రం సినిమాను ప్రమోట్ చేసే పనిలో పడ్డారు. మాములుగా సినిమాలను ప్రమోట్ చేసుకోవడానికి టీవీ షోస్ని వాడుకుంటూ… ఉంటారు ఆయా సినీ బృందాలు. ఆ సినిమా రిలీజ్ తేదీ దగ్గర పడిందంటే టీవీ ఛానల్లో వచ్చే ప్రోగ్రామ్స్లో సందడి చేస్తుంటారు.
తాజాగా బ్రహ్మాస్త్రం చిత్రబృందం కూడా క్యాష్ షోలో పాల్గొంది. ఇందులో రాజమౌళి ఉండటం విశేషం. రాజమౌళి పనిగట్టుకుని ఎప్పుడూ లేని క్యాష్ షోకి రావడం ఏంటి అని అనిపించవచ్చు. కానీ ఆయన రావడానికి ఓ కారణం ఉంది. సౌత్ భాషలకు సంబంధించి ఈ సినిమాకు ప్రెజెంటర్గా ఉన్నారు. తెలుగు,తమిళ, కన్నడ, మలయాళ భాషల్లో బ్రహ్మాస్త్రం సినిమాను సమర్పిస్తున్నారు. అందుకే రణబీర్ కపూర్, అలియా భట్లతో కలిసి ఆయన క్యాష్ షోలో పాల్గొన్నారు. దీనికి సంబంధించిన ప్రోమో ప్రస్తుతం సోషల్ మీడియాలో వైరల్గా మారింది.
రాజమౌళి రాకతో యాంకర్ సుమ ఒక్కసారిగా కల, నిజమా అన్న సందిగ్ధంలోకి వెళ్లిపోయారు. ఒకసారి గిచ్చరా అండి అని రాజమౌళితో అనగానే ఆయన సుమ చేతి మీద గిల్లారు. దీంతో ఆమె రాజమౌళి వచ్చారని కన్ఫర్మ్ చేసుకున్నారు. కాగా ఈ షో త్వరలో టెలికాస్ట్ కానుంది.
అయితే ఒకప్పుడు టాలీవుడ్తో పాటు ఇతర ఇండస్ట్రీలకు చెందిన సినీ ప్రముఖులు సినిమా ప్రమోషన్ల కోసం హిందీ ప్రోగ్రామ్స్, రియాలిటీ షోలలో పాల్గొనేవాళ్లు. కానీ ఇప్పుడు ఏ సినిమా రంగమైనా.. తెలుగు వారి ఆశీర్వాదం కోసం రావాల్సిందే అన్నట్లుగా బాలీవుడ్ సినిమా తయారైంది అంటూ నెటిజన్స్ కామెంట్స్ పెడుతున్నారు. ఇది కదా సార్.. మన తెలుగు సినిమా రేంజ్ అంటూ… ట్వీట్స్ చేస్తున్నారు.
ఇక ఈ సినిమా అయాన్‌ ముఖర్జీ డ్రీమ్‌ ప్రాజెక్ట్‌గా ‘బ్రహ్మాస్త్ర’ సిద్ధమైంది. ధర్మా ప్రొడెక్షన్స్ పతాకంపై కరణ్‌ జోహార్‌ దీన్ని నిర్మించారు. ప్రముఖ దర్శకుడు రాజమౌళి సమర్పణలో ఈ సినిమా తెలుగు ప్రేక్షకుల ముందుకు రానుంది. ఇప్పటికే విడుదలైన ఈ సినిమా ప్రచార చిత్రాలు సినీ ప్రియుల్ని ఆకట్టుకున్నాయి. సెప్టెంబర్ 9న ఈ సినిమా ప్రపంచవ్యాప్తంగా రిలీజ్ కాబోతుంది.
