కేరళలో ఘోర విమాన ప్రమాదం తప్పింది. వందే భారత్ మెషిన్ లో భాగంగా దుబాయ్ నుంచి వస్తున్న విమానం రన్ వే పై క్రాష్ అయింది. ఈ విమానంలో 192 మంది ఉన్నారు. ల్యాండింగ్ సమయంలో విమానం అదుపుతప్పింది. పలువురు ప్రయాణికులకు తీవ్ర గాయాలు అయ్యాయి. ఈ ప్రమాదంలో విమానం రెండు ముక్కలు అయింది. కోజీకోడ్ విమానాశ్రయంలో ఈ ప్రమాదం జరిగింది.
సమాచారం అందుకున్న వెంటనే అక్కడికి అంబులెన్స్ లతో పాటుగా అగ్నిమాపక సిబ్బంది కూడా చేరుకుంది. ఈ ప్రమాదంలో విమానం ముందు భాగంగా పూర్తిగా ద్వంశం అయింది. అయితే కొందరి ఆరోగ్య పరిస్థితి విషమంగా ఉంది అని తెలుస్తుంది. పైలెట్ ఈ ప్రమాదంలో ప్రాణాలు కోల్పోయారు. మొత్తం 20 అంబులెన్స్ లు ఘటనా స్థలానికి చేరుకున్నాయి.
వర్షం కారణంగా స్కిడ్ అయింది అని అక్కడ చూసిన వారు చెప్తున్నారు. వెనుక భాగంలో ఉన్న వారికి మాత్రం ఏ ప్రమాదం జరగలేదు అని అంటున్నారు. 90 మందికి గాయాలు అయ్యాయి అని అక్కడ ఉన్న వారు చెప్తున్నారు. కరోనా కారణంగా తక్కువ మంది ఉండటంతో ప్రాణాపాయం కాస్త తప్పింది అని అంటున్నారు. వాతావరణ సమస్య కారణంగా ఈ ప్రమాదం జరిగిందని తెలుస్తుంది. కేరళలో గత వారం రోజుల నుంచి భారీ వర్షాలు పడుతున్నాయి. పైలెట్ అనవసరంగా విమానం ల్యాండ్ చేసారు అని, గాల్లోనే కాసేపు చక్కర్లు కొట్టాల్సింది అని నిపుణులు చెప్తున్నారు.
