వరల్డ్ కప్ ఇంకా జరుగుతుండగానే క్రికెట్ లో మరో టోర్నమెంట్ షెడ్యూల్ ను రిలీజ్ చేసింది ఆసియా క్రికెట్ కౌన్సిల్. అండర్ 19 స్థాయిలో ఆసియా కప్ పూర్తి షెడ్యూల్ ను విడుదల చేయడం జరిగింది. ఈ షెడ్యూల్ ప్రకారం డిసెంబర్ 8వ తేదీన స్టార్ట్ కానుండగా 17వ తేదీ వరకు మ్యాచ్ లు జరగనున్నాయి. రెండు గ్రూప్ లుగా విడిపోయి ఆడనున్న ఈ టోర్నీలో గ్రూప్ ఏ లో ఇండియా, పాకిస్తాన్, ఆఫ్గనిస్తాన్, నేపాల్ లు ఉండగా, గ్రూప్ బి లో బంగ్లాదేశ్, శ్రీలంక, యూఏఈ, జపాన్ లు ఉన్నాయి. ఇక టోర్నమెంట్ ఏది అయినా, స్థాయి ఏదైనా దాయాదులుగా ఉన్న ఇండియా మరియు పాకిస్తాన్ ల మ్యాచ్ గురించి అందరూ ఎదురుచూస్తుంటారు.
ఆ విధంగా ఇండియా మరియు పాకిస్తాన్ లు డిసెంబర్ 10న తలపడనున్నాయి. కాగా ఇప్పటికే ముగిసిన సీనియర్ మెన్ ఆసియా కప్ లో ఇండియా ఫైనల్ లో శ్రీలంక ను చిత్తు చిత్తు గా ఓడించి కప్ ను కైవసం చేసుకుంది.
