చ‌త్తీస్ గ‌డ్ లో దారుణం చోటు చేసుకుంది. ద‌స‌రాపండుగ ఉత్స‌వాలు జరుగుతున్న వేళ ప్ర‌జ‌ల పైకి ఓ కారు దూసుకురావ‌డంతో న‌లుగురు మృతి చెందారు. ఈ ఘటన చ‌త్తీస్‌గఢ్‌లోని జష్‌పూర్ జిల్లాలో చోటుచేసుకుంది. గ్రామ‌స్థులు ద‌స‌రా పండుగ సంధ‌ర్భంగా అంతాక‌లిసి ఊరేగింపుగా త‌ర‌లివెళుతున్న స‌మయంలో ఓ ఎస్ యూవీ వాహ‌నం ఒక్క‌సారిగా వెన‌క నుండి దూసుకువ‌చ్చింది. అయితే ఆ వాహనంలో గంజాయిని త‌ర‌లిస్తున్న‌ట్టు పోలీసులు గుర్తించారు. భారీగా వాహనంలో గంజాయి ఉండ‌టంతో పోలీసులు ప‌ట్టుకునేందుకు ప్ర‌య‌త్నించారు.
దాంతో త‌ప్పించుకునే క్ర‌మంలో వాహ‌నాన్ని వేగంగా న‌డిపిన కారు డ్రైవ‌ర్ ఊరేగింపుపైకి కారుతో దూసుకెళ్లాడు. దాదాపుగా ఈ వాహ‌నం 24 మందిని ఢీ కొట్టింది. ఈ ఘ‌ట‌న‌లో న‌లుగురు మృతి చెంద‌గా 20 మంది గాయ‌ప‌డ్డారు. ఇక ఊరేగింపును వీడియో తీస్తుండ‌గా యాక్సిడెంట్ కూడా వీడియోలో రికార్డ్ అయ్యింది. దీనికి సంబంధించిన వీడియో ప్ర‌స్తుతం నెట్టింట వైర‌ల్ గా మారింది.
