సీట్ల సర్దుబాటుపై జనసేన అధినేత పవన్ కళ్యాణ్ ఘాటుగా స్పందించారు. ‘నా వ్యూహాన్ని తప్పుబట్టకండి. ప్రజా క్షేమాన్ని ఆకాంక్షించే వ్యూహం నాది అని తెలిపారు.జెండా’ పేరుతో తాడేపల్లిగూడెంలో నిర్వహిస్తున్న టీడీపీ-జనసేన ఉమ్మడి భారీ బహిరంగ సభలో పవన్ మాట్లాడుతూ…. పది సంవత్సరాలుగా అవమానాలు ఎదుర్కొన్న నన్ను మనవాళ్లు ప్రశ్నిస్తున్నారు. నేనేం సంపాదించానని నన్ను ప్రశ్నిస్తున్నారు అని అసహనం వ్యక్తం చేశారు . నిజంగా మీరు నా మద్దతుదారులైతే నన్ను ప్రశ్నించకండి. నా వెంట నడవండి. నన్ను ప్రశ్నించడం కాదు.. నాతో కలిసి యుద్ధం చేయండి’ అని ఆయన అన్నారు.
2024లో టీడీపీ-జనసేన పొత్తు విజయానికి ఈ జెండాలు స్ఫూర్తి అని.. అందుకే ఈ సభకు జెండా అనే పేరు పెట్టినట్లు పవన్ స్పష్టం చేశారు. ‘పర్వతం ఎవరికీ వంగి సలాం చేయదు అని అన్నారు.గొంతు ఎత్తితే ఒక దేశపు జెండాకు ఉన్నంత పొగరు ఉంది. మన పార్టీ జెండాలు పోరాటానికి స్ఫూర్తి అని తెలిపారు.