రాష్ట్రంలోని ప్రముఖ పుణ్యక్షేత్రం యాదాద్రి శ్రీ లక్ష్మీనరసింహ స్వామి దేవస్థానంలో గిరి ప్రదక్షిణ కార్యక్రమం నిర్వహించారు. ఇది కన్నుల పండుగగా జరిగినట్లు ఆలయ అధికారులు పేర్కొన్నారు. స్వామి వారి జన్మ నక్షత్రాన్ని పురస్కరించుకుని నిర్వహించే గిరి ప్రదర్శనలో నారసింహ స్వామి భక్తులు భారీ సంఖ్యలో పాల్గొన్నారు. భక్తులు నమో నారసింహ, గోవింద నామస్మరణతో యాదాద్రి గుట్ట పరిసరాలు మారుమ్రోగాయి.
యాదాద్రి జిల్లా కలెక్టర్ హనుమంతరావు, ఈవో భాస్కరరావు ఇతర ప్రముఖులు సైతం గిరి ప్రదక్షిణలో పాల్గొని స్వామి వారి సేవలో తరించారు.అటు ప్రధాన ఆలయంలో స్వాతి నక్షత్రం సందర్బంగా స్వామివారికి ప్రత్యేక అభిషేకాలు, హోమాలు, అర్చనలు నిర్వహించారు. కాగా, స్వామి వారి జన్మ నక్షత్రం సందర్భంగా నిర్వహించిన గిరిప్రదక్షిణ కోసం భక్తులు పెద్ద సంఖ్యలో తరలివచ్చారు. దీంతో ఆలయ పరిసరాలు కిక్కిరిశాయి.
