గ్రామ వాలంటీర్లను సమర్ధంగా ఉపయోగించుకుంటూ కరోనా కట్టడిలో తనదైన ముద్రను వేసుకుంటున్నాడు సీఎం జగన్, అని దేశ వ్యాప్తంగా అందరూ చర్చించుకుంటే మన వాలంటీర్లు మాత్రం వృద్ధుల దగ్గర వికాలాంగుల దగ్గర డబ్బు కొట్టేసి పరారవుతున్నారు. తాజాగా అనంతపురం జిల్లాలో ఓ గ్రామ వాలంటీర్ 63 వేలు చోరీ చేసి పరారయ్యాడు. ఈ ఘటన పెనుకొండ మండలం కొండపల్లిలో జరిగింది.
వివరాల్లోకి వెళితే… అనంతపురం జిల్లా లోని పెనుకొండ మండలం కొండపల్లికి చెందిన ఓ గ్రామ వాలంటీర్ నాయక్ 49 మంది వృద్ధులు, వికలాంగులకు ఇవ్వాల్సిన పింఛన్ సొమ్మును దాదాపుగా 63 వేల రూపాయలు తీసుకొని పరారయ్యాడు. ఒకటో తేదీన అందాల్సిన ఫించను తమకు అందలేదని ఆ వృద్ధులు అధికారులకు విషయం తెలియజేయడంతో అధికారులు ఈ విషయం పై ఆరా తీశారు. కాగా నాయక్ అనే వాలంటీర్ ఈ పనికి ఒడగట్టినట్టు తేలింది. దాంతో అతనికి ఫోన్ చేయగా స్విచ్ ఆఫ్ రావడంతో అధికారులు పోలీసులకు ఫిర్యాదు చేశారు.
