గ్రూప్-4 దరఖాస్తుల గడువును పొడిగిస్తున్నట్లు తెలంగాణ పబ్లిక్ సర్వీస్ కమిషన్ సోమవారం తెలిపింది. వాస్తవానికి ఇవాళ్టితో దరఖాస్తు గడువు ముగియనుండగా.. ఫిబ్రవరి 3వ తేదీ సాయంత్రం 5 గంటల వరకు పొడిగిస్తున్నట్లు వెల్లడించింది. ఇప్పటి వరకు 8,47,277 దరఖాస్తులు చేసుకున్నారని, ఇవాళ ఒకే రోజు 34,247 దరఖాస్తులు వచ్చాయని టీఎస్‌ పీఎస్సీ వివరించింది. గ్రూప్-4 పోస్టుల భర్తీకి టీఎస్‌ పీఎస్సీ ఇటీవల నోటిఫికేషన్‌ విడుదల చేసిన విషయం తెలిసిందే. గత డిసెంబర్‌ 30 నుంచి జనవరి 30వ తేదీ వరకు దరఖాస్తులకు టీఎస్‌పీఎస్సీ అవకాశం కల్పించింది. అయితే, నోటిఫికేషన్‌ ద్వారా 8,180 పోస్టులను భర్తీ చేయనున్నది.
ఇదిలా ఉంటే.. జనవరి 28 సాయంత్రం వరకు మొత్తం 7,41,159 మంది అభ్యర్థులు గ్రూప్-4 (TSPSC Group-4) ఖాళీల కోసం అప్లై చేసుకున్నట్లు తెలంగాణ స్టేట్ పబ్లిక్ సర్వీస్ కమిషన్ ప్రకటన విడుదల చేసింది. ఈ ఉద్యోగాలకు సంబంధించిన దరఖాస్తు ప్రక్రియ జనవరి 30 నాటికి ముగియనుంది. దరఖాస్తులు ముగిసే నాటికి మొత్తం అప్లికేషన్ల సంఖ్య 8 లక్షలు దాటే అవకాశం ఉంది. మే నెలలో గ్రూప్-4 ఉద్యోగాలకు సంబంధించిన నియామక ప్రక్రియ నిర్వహించే అవకాశం ఉంది
