వేసవి సెలవులను మరింత ఆసక్తికరంగా, విజ్ఞానదాయకంగా గడపాలని భావిస్తున్న విద్యార్థులకు హైదరాబాద్‌లోని జూపార్క్ అదిరిపోయే శుభవార్త చెప్పింది. మే నెలంతా ప్రత్యేకంగా ‘జూ టూర్’ పేరుతో ఒక ప్రత్యేక కార్యక్రమాన్ని నిర్వహిస్తోంది. ఈ కార్యక్రమంలో పాల్గొనే చిన్నారులకు జూలోని అన్ని రకాల జంతువులు, పక్షులను నిపుణులైన సిబ్బంది చూపిస్తూ వాటి విశేషాలను తెలియజేస్తారు. అంతేకాదు, ఈ టూర్‌లో పాల్గొనే విద్యార్థులకు రుచికరమైన స్నాక్స్ , భోజనం కూడా జూపార్క్ వారే ఏర్పాటు చేస్తారు.
మరింత ప్రత్యేకంగా, ప్రతి విద్యార్థికీ జూ టూర్ కిట్ అందజేస్తారు. ఇందులో ఒక అందమైన క్యాప్, నోట్‌బుక్ , ప్రత్యేకమైన బ్యాడ్జ్ ఉంటాయి. ఈ ప్రత్యేకమైన ‘జూ టూర్’ కార్యక్రమంలో పాల్గొనడానికి ఆసక్తి ఉన్న విద్యార్థులు తప్పనిసరిగా రిజిస్ట్రేషన్ చేసుకోవాల్సి ఉంటుంది. రిజిస్ట్రేషన్ ఫీజు కేవలం రూ. 1,000 మాత్రమే. ఈ అద్భుతమైన అవకాశాన్ని అందిపుచ్చుకోవడానికి వెంటనే 9281007836 నెంబర్‌కు వాట్సప్‌లో సంప్రదించి మీ పేరు నమోదు చేసుకోండి. వేసవి సెలవుల్లో మీ పిల్లలకు ఒక మరపురాని అనుభూతిని అందించడానికి ఇది చక్కటి అవకాశం..
