ఏపీ ఇంటర్ సప్లమెంటరీ పరీక్షలకు సంబందించిన హాల్ టిక్కెట్లు విడుదల అయ్యాయి.ఇంటర్ జనరల్‌, ఒకేషనల్‌ విద్యార్థులు ఏపీ ఇంటర్మీడియట్ అధికారిక వెబ్‌సైట్ నుంచి హాల్‌టికెట్లు డౌన్‌లోడ్ చేసుకోవచ్చు..విద్యార్ధులు తమ పాత హాల్‌టికెట్ నెంబర్, లేదా ఆధార్ కార్డు నెంబర్, పుట్టిన తేదీ వివరాలు లేదా పేరు నమోదుచేసి హాల్‌టికెట్ పొందవచ్చు. ఏపీలో ఆగస్టు 3 నుంచి ఇంటర్ సప్లిమెంటరీ పరీక్షలు నిర్వహించనున్న సంగతి తెలిసిందే.
రాష్ట్రవ్యాప్తంగా మొత్తం 10.01 లక్షల మంది విద్యార్థులు పరీక్షలకు హాజరయ్యారు. మొత్తం 1,456 పరీక్ష కేంద్రాల్లో పరీక్షలు నిర్వహించారు. ఇంటర్ మొదటి సంవత్సరం పరీక్షలో మొత్తం 2,41,591 (54 శాతం) మంది ఉత్తీర్ణత సాధించగా.. సెకండ్ ఇయర్‌లో శాతం 2,58,449 (61 శాతం) మంది పాస్‌ అయ్యారు. పరీక్షల్లో ఫెయిలైన వారికి సప్లిమెంటరీ పరీక్షలను అధికారులు నిర్వహించనున్నారు.
సప్లిమెంటరీ పరీక్షల షెడ్యూల్ ఇదే..
ఈ ఏడాది ఆగస్టు 3 నుంచి 12 వరకు ఇంటర్ అడ్వాన్స్‌డ్‌ సప్లిమెంటరీ పరీక్షలను నిర్వహించనున్నారు. ముందుగా నిర్ణయించిన షెడ్యూలు ప్రకారం ఉదయం 9 గంటల నుంచి మధ్యాహ్నం 12 వరకు తొలిసెషన్, మధ్యాహ్నం 2.30 నుంచి సాయంత్రం 5.30 గంటల వరకు రెండో సెషన్‌ కింద పరీక్షలు జరుగనున్నాయి..
ఇంటర్ ఫస్ట్ ఇయర్ పరీక్షల వివరాలు..
ఆగస్టు 3 – సెకండ్ లాంగ్వేజ్
ఆగస్టు 4 – ఇంగ్లిష్‌
ఆగస్టు 5 – మ్యాథ్స్ పేపర్‌-1ఎ, సివిక్స్‌, బోటనీ
ఆగస్టు 6 – మ్యాథ్స్-1బి, హిస్టరీ, జువాలజీ
ఆగస్టు 8 – ఫిజిక్స్, ఎకనావిుక్స్‌
ఆగస్టు 10 – కెవిుస్ట్రీ, కామర్స్, సోషియాలజీ, ఫైన్ ఆర్ట్స్, మ్యూజిక్‌
ఆగస్టు 11 – పబ్లిక్‌ అడ్మినిస్ట్రేషన్, లాజిక్, బ్రిడ్జి కోర్సు మ్యాథ్స్ (బైపీసీ విద్యార్థులకు)
ఆగస్టు 12 – మోడ్రన్ లాంగ్వేజ్, జియోగ్రఫీ.
సెకండ్ ఇయర్ పరీక్షల వివరాలు..
ఆగస్టు 3 – సెకండ్ లాంగ్వేజ్
ఆగస్టు 4 – ఇంగ్లీష్
ఆగస్టు 5 – మ్యాథ్స్ పేపర్‌-2ఏ, సివిక్స్‌, బోటనీ
ఆగస్టు 6 – మ్యాథ్స్-2బీ, హిస్టరీ, జువాలజీ
ఆగస్టు 8 – ఫిజిక్స్, ఎకనావిుక్స్‌
ఆగస్టు 10 – కెవిుస్ట్రీ, సోషియాలజీ, కామర్స్, ఫైన్ ఆర్ట్స్, మ్యూజిక్‌
ఆగస్టు 11 – పబ్లిక్‌ అడ్మినిస్ట్రేషన్, లాజిక్, బ్రిడ్జి కోర్సు మ్యాథ్స్ (Bipc విద్యార్థులకు)
ఆగస్టు 12 – మోడ్రన్ లాంగ్వేజ్, జాగ్రఫీ
ప్రాక్టికల్ పరీక్షల వివరాలు:
ఇంటర్ ప్రాక్టికల్ పరీక్షలను ఆగస్టు 17 నుంచి 22 వరకు నిర్వహించనున్నారు. అదేవిధంగా ఎథిక్స్ అండ్ హ్యుమన్ వాల్యూస్ పరీక్షను ఆగస్టు 24న, ఎన్విరాన్‌మెంటల్ ఎడ్యుకేషన్ పరీక్షను ఆగస్టు 26న నిర్వహిస్తారు. ఆయాతేదీల్లో ఉదయం 10 గంటల నుంచి 1 గంట వరకు పరీక్షలను నిర్వహించనున్నారు..
