శ్రీలంక ప్రజలకు శుభవార్త..ఎమర్జెన్సీ ఎత్తివేసిన సర్కార్‌

తీవ్ర ఆర్థిక, ఆహార సంక్షోభంలో కొట్టుమిట్టాడుతోంది ద్వీపదేశం శ్రీలంక. తాజాగా శ్రీలంకలో కీలక పరిణామలు చోటు చేసుకుంటున్నాయి. ఇప్పటికే దేశంలో అధ్యక్షుడు గోటబయ రాజపక్సె అత్యవసర పరిస్థితి విధించాడు. అయితే.. తాజాగా ఎమర్జెన్సీని ఎత్తివేశారు శ్రీలంక అధ్యక్షులు గోటబయ రాజపక్ష. ఈ మేరకు మంగళ వారం రోజున అర్ధరాత్రి ప్రకటన చేశారు.

ఆర్థిక సంక్షోభం నేపథ్యంలో.. ప్రజలు పెద్ద ఎత్తున ఆందోళనకు దిగారు. ఈ నేపథ్యంలో ఏప్రిల్‌ 1 వ తేదీ నుంచి శ్రీలంక లో అత్యవసర పరిస్థితి విధించారు. అయితే… ఈ నిర్ణయాన్ని ఎత్తివేస్తున్నట్లు ఆ దేశ అధ్యక్షుడు ప్రకటన చేశారు. దీంతో శ్రీలంక దేశ ప్రజలకు భారీ ఊరట లభించింది. శ్రీలంక దేశంలో అత్యవసర పరిస్థితులు నెలకొన్న నేపథ్యంలో.. ఆహార ధాన్యాలు, వస్తువులు, నిత్యవసరాలు అన్ని విపరీతంగా పెరిగిపోయాయి. దీంతో అక్కడి ప్రజలు చాలా ఇబ్బందులు పడ్డారు. ఈ నేపథ్యలో శ్రీలంక అధ్యక్షులు గోటబయ రాజపక్ష ఇంటిని కూడా ప్రజలు ముట్టడించారు.