పాకిస్థాన్ ఖైబర్ పఖ్తుంఖ్వా ప్రావిన్సులోని డెరా ఇస్మాయిల్ ఖాన్ జిల్లాలో శుక్రవారం పోలీసు బృందాలే లక్ష్యంగా ఉగ్రవాదులు బాంబు దాడి చేశారు. ఈ ఘటనలో ఇద్దరు పోలీసులతో సహా ఐదుగురు మృతి చెందారు. మరో 24 మంది తీవ్రంగా గాయపడ్డారు. పొండా బజార్ ప్రాంతంలోని ట్యాంక్ అడ్డా సమీపంలో ఈ ఘటన చోటుచేసుకుంది.
సమాచారం అందుకున్న సహాయక సిబ్బంది, కేబీ బాంబ్ డిస్పోజల్ యూనిట్, పోలీసులు ఘటనాస్థలికి చేరుకున్నారు. క్షతగాత్రులను స్థానిక ఆస్పత్రికి తరలించారు. ఘటనలో మృతి చెందిన ఐదుగురిలో ఇద్దరు పోలీసు అధికారులు ఉన్నట్లు తెలిపారు. దుండగులు ఓ మోటార్ బైక్లో పేలుడు పరికరాన్ని అమర్చారని సమాచారం. మరోవైపు ఘటన స్థలంలో తుపాకుల కాల్పుల శబ్దాలు కూడా వినిపించినట్లు స్థానికులు చెప్పినట్లు తెలుస్తోంది.
మరోవైపు పాకిస్థాన్లో భద్రతా బలగాలు ప్రయాణిస్తున్న రెండు వాహనాలపై ఉగ్రవాదులు దాడులకు పాల్పడిన ఘటనలో 14 మంది పాకిస్థాన్ సైనికులు మరణించారు. బలూచిస్థాన్ ప్రావిన్స్లో శుక్రవారం రోజున పాక్ సైనికులు కాన్వాయ్ పస్ని నుంచి గ్వాదర్ జిల్లాకు వెళ్తుండగా ఉగ్రవాదులు దాడులకు పాల్పడ్డట్లు సమాచారం.
