ఐపీఎల్ లో ఈ రోజు రాజస్థాన్ రాయల్స్ మరియు లక్నో సూపర్ జాయింట్స్ లాంటి రెండు బలమైన జట్ల మధ్య పోటీ అని చెప్పాలి. ఈ రెండు జట్లు కూడా గత ఐపీఎల్ సీజన్ లో ప్లే ఆఫ్ కు చేరుకున్నాయి. కానీ రజస్త రాయల్స్ మాత్రమే ఫైనల్ కు చేరుకోగా , లక్నో ఎలిమినేటర్ లో ఓడిపోయి ఇంటిదారి పట్టింది. ఇక ఈ సీజన్ లో టైటిల్ కొట్టగల సత్తా ఉన్న జట్లలో ఈ రెండు ఉన్నాయి. జైపూర్ లోని సవాయ్ మాన్ సింగ్ స్టేడియం లో ఈ రెండు జట్లు కాసేపటి తర్వాత తలపడనున్నాయి. అందులో భాగంగా టాస్ నెగ్గిన రాజస్థాన్ కెప్టెన్ సంజు శాంసన్ బౌలింగ్ ఎంచుకున్నాడు.
గత మ్యాచ్ లోనూ గుజరాత్ టైటాన్స్ తో ఛేజింగ్ లో ఉత్కంఠ మ్యాచ్ లో గెలిచిన రాజస్థాన్ మరో ఛేజింగ్ ను ఎదుర్కోనుంది. ఈ టీం ను విజయతీరాలకు చేర్చడంలో మరోసారి బట్లర్ , సంజు , జైస్వాల్ మరియు హెట్ మెయిర్ లు రాణించాల్సి ఉంది. మరి లక్నో లాంటి బలమైన బౌలింగ్ లైన్ అప్ ఉన్న జట్టుపై రాజస్థాన్ గెలుస్తుందా చూడాలి.
