బ్రిటన్ ప్రధానిగా ఎన్నికైన రిషి సునాక్ కు ప్రపంచ వ్యాప్తంగా శుభాకాంక్షలు వెల్లువెత్తుతున్నాయి. ఇప్పటికే ప్రధాని మోదీ, ఇన్ఫోసిస్ నారాయణమూర్తి రిషికి అభినందనలు తెలిపారు. రిషి సునాక్ ఘనవిజయంపై తాజాగా అమెరికా అధ్యక్షుడు జో బైడెన్‌ స్పందించారు. ఇండో-అమెరికన్లతో నిర్వహించిన దీపావళి వేడుకల్లో ఆయన మాట్లాడుతూ.. ‘ఈ రోజే ఓ వార్త తెలిసింది.. రిషి సునాక్ బ్రిటన్ ప్రధానిగా ఎన్నికయ్యారు’ అని అన్నారు. ఈ మాటలతో దాదాపు 200 మంది అతిథులు హర్షధ్వానాలు చేశారు.
‘‘అది ఒక ఎంపిక. మన నిత్యజీవితంలో, దేశం ప్రస్థానంలో అటువంటి ఎంపికలు చేస్తుంటాం. ముఖ్యంగా అమెరికా, భారత్‌, యూకే వంటి ప్రజాస్వామ్య దేశాల ప్రస్థానంలో జరుగుతుంటాయి. ఈ రోజు ఇప్పుడే ఓ వార్త విన్నాను. బ్రిటన్ ప్రధానిగా రిషి సునాక్ ఎన్నికయ్యారు. ఒక సోదరుడిగా చెబుతున్నాను.. అద్భుతంగా ఉంది. రేపు రాజును కలవనున్నారు. ఇది కీలకమైన మైలురాయి’’ అని జో బైడెన్‌ హర్షం వ్యక్తం చేశారు.
