మహానటి ఫేం నాగ్‌ అశ్విన్‌ దర్శకత్వంలో పాన్ ఇండియా హీరో ప్రభాస్ నటిస్తోన్న తాజా చిత్రం కల్కి 2898 ఏడీ . సైన్స్ ఫిక్షన్‌ జోనర్‌లో వస్తోన్న ఈ సినిమాని 2024లో రిలీజ్ చేయనున్నట్టు ప్రకటించారు.నాగ్‌ అశ్విన్‌ ఈ మోస్ట్ ఎవెయిటెడ్ ప్రాజెక్ట్‌ కోసం ఈరోజు ఐఐటీ బాంబే TECH FEST 23లో భాగంగా కాన్వొకేషన్‌ హాల్‌లో చిట్‌ చాట్‌లో పాల్గొన్నాడు. అయితే ఈ ఈవెంట్‌లో ఓ వ్యక్తి అడిగిన ప్రశ్నకు సమాధానంగా కల్కి ట్రైలర్‌ ఎప్పుడు విడుదల అవుతుందో క్లారిటీ ఇచ్చాడు. ఈ మూవీ ట్రైలర్‌ను 2024 ఏప్రిల్ 1న రిలీజ్ చేయనున్నట్టు తెలిపారు. అంటే ఇవాళ్టి నుంచి 93 రోజులలో ట్రైలర్‌ వస్తుందన్నమాట.
ఈ చిత్రంలో బాలీవుడ్ స్టార్ యాక్టర్లు అమితాబ్‌ బచ్చన్‌, దీపికా పదుకొనే , దిశా పటానీ, లెజెండరీ యాక్టర్‌ కమల్‌ హాసన్‌ కీలక పాత్రలు పోషిస్తున్నారు. ఇప్పటికే ఈ సినిమా నుంచి మేకర్స్‌ లాంఛ్ చేసిన కల్కి 2898 ఏడీ రైడర్స్‌ (యూనిఫార్మ్‌డ్‌ విలన్‌ ఆర్మీ) కాస్ట్యూమ్స్‌ మేకింగ్‌, అసెంబ్లింగ్‌ వీడియో ప్రేక్షకులలో ఆసక్తిని పెంచుతోంది .ఈ మూవీని సీ అశ్వనీదత్‌ సుమారు 500 కోట్లకుపైగా బడ్జెట్‌తో నిర్మిస్తున్నాడు.
