గత కొంతకాలంగా సంచలన ట్విట్స్‌లో నిత్యం వార్తల్లో నిలిచిన బాలీవుడ్ నటి కంగనా రనౌత్ తాజాగా సినిమాలపై దృష్టి పెట్టింది..దివంగ‌త త‌మిళ‌నాడు సీఎం,నటి జ‌య‌ల‌లిత బ‌యోపిక్ లో న‌టిస్తోంది. త‌లైవి టైటిల్ తో తెర‌కెక్కుతున్న ఈ సినిమా షూటింగ్ హైద‌రాబాద్ రామోజీ ఫిలీం సిటీలో రెగ్యూలర్ షూటింగ్ జరుగుతుంది.. ఈ సినిమాలో కంగనా ప్రధాన పాత్ర పోషిస్తుంది..ప్ర‌యోగాత్మ‌క సినిమాలు చేయ‌డంలో ఎప్పుడూ ముందుండే కంగనా ఈ సినిమా కోసం బాగానే క‌షపడింది. జ‌య‌ల‌లిత పాత్రలాగా కాస్త లావుగా క‌నిపించడం కోసం కంగనా 20కిలోల బరువు పెరిగింద‌ట. ఈ విష‌యాన్ని ట్విట‌ర్ ద్వారా తెలియ‌జేసింది. ఎక్స‌ర్ సైజ్ చేస్తున్న ఫొటోను ట్విట‌ర్ లో పోస్ట్ చేసిన కంగనా..త‌లైవి కోసం నేను 20కిలోల బరువు పెరిగాను అని చెప్పుకొచ్చింది. ప్ర‌స్తుతం సినిమా షూటింగ్ పూర్తి చేసే ప‌నిలో ఉన్నామని తెలిపింది.
