లోకేష్ కనగరాజ్ దర్శకత్వంలో విజయ్ దళపతి హీరోగా నటించిన చిత్రం లియో. యాక్షన్ థ్రిల్లర్గా తెరకెక్కిన ఈ చిత్రం ప్రేక్షకులను ఆకట్టుకుంది. లియో సినిమా విజయ్ కెరీర్ లోనే అత్యధిక వసూళ్లు రాబట్టిన చిత్రంగా నిలిచింది. అయితే ఈ చిత్రం యొక్క సెకండ్ పార్ట్ త్వరలోనే రానుందని వార్తలు వినిపిస్తున్నాయి. దీనికి సంబంధించిన విషయంపై లోకేష్ కనగరాజ్ స్పందించారు. లియో 2 ఖచ్చితంగా ఉంటుంది కానీ నేను తలైవా 171, ఖైదీ 2 సినిమాల పనుల్లో బిజీగా ఉన్నాను. ఈ సినిమాలు పూర్తయిన తర్వాత లియో కి సీక్వెల్ వస్తుందని తెలిపారు. గ్యాంగ్స్టర్ డ్రామా కథాంశం తో రూపొందించిన లియోలో త్రిష హీరోయిన్గా నటించగా సంజయ్ దత్, గౌతమ్ మీనన్ తదితరులు కీలక పాత్ర పోషించారు. ఈ చిత్రానికి అనిరుద్ అందించిన పాటలు ప్రేక్షకులను విపరీతంగా ఆకట్టుకున్నాయి. ఈ సినిమా సీక్వెల్ ఉంటుందని తెలిసిన విజయ్ ఫ్యాన్స్ సంబరపడిపోతున్నారు.
వరుస హిట్లతో ఊపు మీద ఉన్న డైరెక్టర్ లోకేష్ కనగారాజ్ ప్రస్తుతం రజినీకాంత్ తలైవా ప్రీ ప్రొడక్షన్ పనుల్లో ఉన్నాడు .అయితే ఈ చిత్రం వచ్చే ఏడాది సెట్స్ పైకి వెళ్ళనుంది.
