Ram Charan – Shankar Movie: మెగా పవర్ స్టార్ కోసం విల‌న్ గా మారిన మలయాళం స్టార్!

Ram Charan – Shankar Movie: మెగా పవర్ స్టార్ రామ్ చరణ్, స్టార్ డైరెక్ట‌ర్ శంక‌ర్ కాంబినేష‌న్‌లో ఓ భారీ పాన్ ఇండియా మూవీ రూపొందుతోన్న సంగ‌తి తెలిసిందే. సాధార‌ణంగా శంక‌ర్ సినిమా అంటే సంచ‌ల‌నాల‌కు కేరాఫ్ అడ్ర‌స్. అలాంటిది పొలిటికల్ థ్రిల్లర్‌గా రూపొందుతున్న ఈ సినిమాతో శంక‌ర్ ఎలాంటి సంచ‌నాల‌కు తెర తీయ‌బోతున్నారో చూడాలి. చరణ్ 15వ చిత్రంగా రిలీజ్ కాబోతుంది.

ఇందులో చ‌ర‌ణ్ స‌ర‌స‌న‌ కియారా అద్వాణీ హీరోయిన్ గా నటిస్తోంది. ఇటీవలే గ్రాండ్ గా సినిమా ప్రారంభోత్సవం జరిగింది. ఈ సినిమా షూటింగ్‌ను పూనేలో భారీ సెట్ వేసి ప్రారంభించారు. ఈ చిత్రంలో చరణ్ ఓ ఐఏఎస్ అధికారి న‌టించ‌నున్నారట‌. అయితే.. కొన్నికార‌ణాల వ‌ల్ల త‌న బాజ్ కు రాజీనామా చేసి రాజకీయ నాయకుడిగా మారితే రాజకీయ వ్యవస్థలో ఆ అధికారి ఎలాంటి మార్పులు చేస్తాడనేది ఈ చిత్ర‌ కథాంశంమని ఇండ‌స్ట్రీ టాక్. ఈ విష‌యం వైర‌ల్ కావ‌డంతో మ‌రో `భారతీయుడు` చిత్ర‌మ‌ని శంకర్ ఫ్యాన్ అంటున్నారు.

ఇదిలా ఉంటే.. మరో ఇంట్రెస్టింగ్ అప్ డేట్ ఒకటి బ‌య‌ట‌కు వ‌చ్చింది. ఈ సినిమాలో మ‌ల‌యాళ స్టార్ సురేశ్ గోపి విల‌న్ రోల్‌కు శంక‌ర్ తీసుకున్నార‌ని వార్త‌లు నెట్టింట హ‌ల్ చ‌ల్ చేస్తున్నాయి. త్వరలోనే ఈ విష‌యంలో తుది నిర్ణయం బయటకు వచ్చే అవకాశం ఉందట‌. అలాగే ఈషా గుప్పా ఓ నెగిటివ్ రోల్ లో నటిస్తున్నట్లు సమాచారం. శంకర్ మార్క్ చిత్రంగా నిలుస్తుందని తెలుస్తోంది. ఇందులో శ్రీకాంత్..సునీల్ ..అంజలి కాలక పాత్రలు పోషిస్తున్నారు. థమన్ సంగీతం అందిస్తున్నారు. శ్రీ వెంకటేశ్వర క్రియేషన్స్ పై దిల్ రాజు భారీ బడ్జెట్ తో నిర్మిస్తున్నారు.