లోన్ యాప్స్ నిర్వాహకుల వేధింపులకు మరో వ్యక్తి బలయ్యాడు. పేట్ బషీరాబాద్ లో 11 యాప్ ల ద్వారా చంద్ర మోహన్ అనే వ్యక్తి రుణం తీసుకున్నాడు. అయితే లోన్ యాప్ నిర్వాహాకుల వేధింపులు తట్టుకోలేక చంద్రమోహన్ ఆత్మహత్య చేసుకున్నారు. మొదట 6 వేలతో ప్రారంభం అయిన లోన్ లక్షల రూపాయలు చెల్లించే వరకు వెళ్ళిందని పేట్ బషీరాబాద్ సిఐ రమేష్ తెలిపారు.
కట్టలేని పరిస్థితుల్లో చంద్రమోహన్ భార్యను సైతం వేధింపులకు గురిచేశారని తేలింది. సైబర్ క్రైమ్ పోలీస్ ల సహకారం తో ..ఈ కేసు దర్యాప్తు జరుపుతున్నామని పోలీసులు చెబుతున్నారు. ఈ వేధింపులపై చంద్రమోహన్ ఆన్లైన్ లో ఫిర్యాదు కూడా చేసాడు..రాచకొండ పోలీస్ లు మృతుడికి ధైర్యం చెప్పి, కౌన్సిలింగ్ కూడా ఇచ్చారని పోలీసులు చెబుతున్నారు. చంద్రమోహన్ ను వేధించిన వారిలో ..హైదరాబాద్ కు చెందిన వారు ఉన్నారా అన్నది ఆరా తీస్తున్నామని చెబుతున్నారు.
