నవ మన్మధుడు నాగార్జున గురించి ప్రత్యేకంగా పరిచయం అవసరం లేదు. ఇదిలా ఉండగా ఈయన తాజాగా హీరోయిన్ అవికా గోర్ గురించి షాకింగ్ సీక్రెట్ ఒకటి బయట పెట్టాడు. ఆమె పదేళ్ల క్రితమే పాన్ వరల్డ్ స్టార్ అంటూ అసలు విషయాన్ని చెప్పేసాడు. చిన్నారి పెళ్లికూతురు అనే సీరియల్ ద్వారా ఇండియా వైడ్ గా పాపులర్ అయింది ఈ ముద్దుగుమ్మ. ఆ సీరియల్ ఇండియాలో చాలా భాషల్లో రీమేక్ చేయబడింది. దానితోనే అవికా గోర్ కి పాపులారిటీ , స్టార్ ఇమేజ్ కూడా లభించింది.
ఆ తర్వాత తెలుగులో ఉయ్యాల జంపాల సినిమా ద్వారా హీరోయిన్ గా ఇండస్ట్రీకి పరిచయమై వరుస సక్సెస్ లు, పరాజయాలు చవిచూసిన ఈమె ఇప్పుడు బిజీ హీరోయిన్ అవుతోంది. ఇకపోతే తాజాగా ఈమె నటించిన చిత్రం పాప్ కార్న్.. సాయి రోనక్ హీరోగా నటించిన ఈ చిత్రానికి మురళీ గంధం దర్శకత్వం వహించారు. ఎం.ఎస్. చలపతి రాజు సమర్పణలో ఆచార్య క్రియేషన్స్, అవికా స్క్రీన్ క్రియేషన్స్ పై భోగేంద్ర గుప్తా ఈ సినిమాను నిర్మిస్తున్నారు. ఇకపోతే బుధవారం ఈ సినిమా ట్రైలర్ ను నాగార్జున విడుదల చేస్తూ ఈ సందర్భంగా ఎన్నో విషయాలను తెలిపారు.
అవికా గోర్ గురించి నాగార్జున మాట్లాడుతూ .. పదేళ్ల క్రితం నేను రియో నగరానికి వెళ్ళాను. అక్కడ ఓ స్టూడియో చూద్దామని వెళ్తే అందులో అవికా గోర్ ఫోటో కనిపించింది. ఆ కథ చెబుతూ చిన్నారి పెళ్ళికూతురు సీరియల్ ని వాళ్ళు కూడా డబ్ చేసి రిలీజ్ చేశారు. పెద్ద హిట్ అయిందని వాళ్ళు చెప్పారు. అంతేకాదు ఇప్పటికీ మీ మధ్య బాల్య వివాహాలు జరుగుతుంటాయా? అని రకరకాల ప్రశ్నలు వేస్తూ తమ ఆసక్తిని ప్రదర్శించారు. ఒకరకంగా చెప్పాలంటే ఆ సీరియల్ 128 దేశాల్లో డబ్ అయింది. ఇప్పుడు మనం అంతా పాన్ ఇండియా స్టార్స్ అంటున్నాం కానీ అవికా గోర్ ప్రదేళ్ల క్రితమే పాన్ వరల్డ్ స్టార్ అయిపోయింది అని తెలిపారు. అంతేకాదు కజకిస్తాన్లో రెండు సినిమాలు చేసిందని తెలిపిన నాగార్జున .. అవికా సాధించింది మామూలు విషయం కాదు అంటూ తెలిపారు. అలా నాగార్జున మాటలతో అవికా గోర్ కి మరింత పాపులారిటీ లభించబోతుందని చెప్పవచ్చు.
