ఎంప్లాయీస్ ప్రావిడెంట్ ఫండ్ ఆర్గనైజేషన్ పుట్టిన తేదీని నిర్ధారించడానికి ఆమోదించబడిన పత్రాల జాబితా నుంచి ఆధార్‌ను తొలగించింది. యునిక్ ఐడెంటిఫికేషన్ అథారిటీ ఆఫ్ ఇండియా నుండి వచ్చిన సూచనల ఆధారంగా, EPFO పుట్టిన తేదీ రుజువు కోసం ఆధార్ ఆమోదయోగ్యం కాదని నిబంధనలను మార్చింది. దీనికి సంబంధించిన అధికారిక ప్రకటన జనవరి 16న విడుదలైంది.
పుట్టిన తేదీని నిర్ణయించే పత్రంగా పరిగణించే ఆధార్‌ను ఇకపై ఆ ప్రయోజనం కోసం పరిగణించబోమని నోటిఫికేషన్‌లో ఈపీఎఫ్‌వో స్పష్టం చేసింది. ఆధార్ అనేది గుర్తింపు ధృవీకరణ పత్రం అని, పుట్టిన తేదీ ధృవీకరణ పత్రం కాదని స్పష్టం చేసింది. ఇటీవలి కొన్ని కోర్టు తీర్పులు కూడా పుట్టిన తేదీని నిర్ణయించే పత్రంగా ఆధార్‌ను పరిగణించకూడదనే నిర్ణయానికి బలం చేకూరుస్తున్నాయని EPFO పేర్కొంది. యునిఫ్ ఐడెంటిఫికేషన్ అథారిటీ నుంచి వచ్చిన లేఖలో పుట్టిన తేదీ రుజువు కోసం ఆమోదించబడిన పత్రాల నుంచి ఆధార్‌ను తొలగించాలని కోరింది. దీనికి అనుగుణంగానే కొత్త మార్పు తీసుకొస్తున్నట్లు సెంట్రల్ ప్రావిడెంట్ ఫండ్ కమిషనర్ ఆమోదంతో విడుదల చేసిన సర్క్యులర్‌లో వివరించారు.
ఆధార్ మినహాయింపు నిర్ణయం అమలులోకి వచ్చిన తర్వాత పుట్టిన తేదీని నిరూపించడానికి క్రింది పత్రాలు ఉన్నాయి. గుర్తింపు పొందిన ప్రభుత్వ బోర్డు లేదా విశ్వవిద్యాలయం జారీ చేసిన మార్క్ షీట్, పేరు మరియు పుట్టిన తేదీతో కూడిన SSLC సర్టిఫికేట్ / పాఠశాల బదిలీ సర్టిఫికేట్, సేవా రికార్డుల ప్రకారం జారీ చేయబడిన సర్టిఫికేట్లు, PAN కార్డ్, సెంట్రల్/స్టేట్ పెన్షన్ చెల్లింపు ఆర్డర్, ప్రభుత్వం జారీ చేసిన శాశ్వత నివాస ధృవీకరణ పత్రం, పాస్‌పోర్ట్, ప్రభుత్వం పెన్షన్, సివిల్ సర్జన్ సర్టిఫికెట్ జారీ చేసిన మెడికల్.
