నాగాలాండ్‌లోని చుమౌకేదిమా జిల్లాలో ఒళ్లు గగుర్పొడిచే ప్రమాదం చోటుచేసుకుంది. కొండచరియలు విరగిపడటంతో ఓ పెద్ద బండరాయి రెండు కార్లపైకి దూసుకొచ్చింది. ఈ ఘటనలో ఒకరు అక్కడిక్కడే ప్రాణాలు కోల్పోగా మరొకరు ఆస్పత్రిలో చికిత్స పొందుతూ మృతి చెందారు. మరో ముగ్గురి పరిస్థితి విషమంగా ఉన్నట్లు వైద్యులు వెల్లడించారు. ఈ ఘటనలో రెండు కార్లు పూర్తిగా ధ్వంసమయ్యాయి.
వర్షం కురుస్తుండటంతో నాగాలాండ్‌ లోని పకల్‌ పహర్‌ వద్ద వాహనాలు వరుసగా నిలిచిపోయాయి. అదే సమయంలో పక్కనే ఉన్న ఎత్తైన కొండపై నుంచి భారీ కొండచరియలు విరిగిపడ్డాయి. అందులో ఓ పెద్ద బండరాయి రహదారిపై ఉన్న వాహనాలపైకి దూసుకొచ్చింది. అక్కడ నిలిపి ఉన్న కారుపై పడటంతో అది నుజ్జునుజ్జయింది. ఆ తర్వాత ఆ రాయి దొర్లుకుంటూ పక్కనే ఉన్న మరో కారును ఢీ కొట్టింది. దీంతో అదికూడా ధ్వంసమైంది.
ఈ ఘటనకు సంబంధించిన దృశ్యాలు.. ప్రమాదానికి గురైన కార్ల వెనుక నిలిపి ఉంచిన వాహనాలకు అమర్చిన కెమెరాల్లో రికార్డయ్యాయి. ప్రస్తుతం ఈ వీడియో సామాజిక మాధ్యమాల్లో వైరల్‌గా మారింది. దుర్ఘటన గురించి తెలుసుకున్న నాగాలాండ్‌ ముఖ్యమంత్రి నెఫ్యూ రియో తీవ్ర దిగ్భ్రాంతి వ్యక్తం చేశారు. మృతుల కుటుంబాలకు రూ.4లక్షల చొప్పున పరిహారం ప్రకటించారు.
My deepest condolences to the families of the victims of this terrible road accident wherein a giant stone rolled down from above the road on the newly built Dimapur-Kohima (Nagaland) highway today. 1 spot dead, 3 injured, and several vehicles damaged.
My thoughts and prayers… pic.twitter.com/VOZHUT1u9W
— SS Kim (@KimHaokipINC) July 4, 2023
