IPL 2023 : తప్పక గెలవాల్సిన మ్యాచ్ లో గుజరాత్ చేతిలో RCB ఓటమి పాలైంది. RCB నిర్దేశించిన 198 పరుగుల లక్ష్యాన్ని GT 19.1 ఓవర్లలో 4 వికెట్లు కోల్పోయి ఛేదించింది. గుజరాత్ బ్యాటర్లలో గిల్(104*) సెంచరీతో అదరగొట్టగా, విజయశంకర్ 53 పరుగులతో రాణించారు. RCB ఓడిపోవడంతో 16 పాయింట్లతో ఉన్న ముంబై ఇండియన్స్ ప్లే ఆఫ్స్ కు చేరుకుంది.
ఈ సారైనా ఛాంపియన్ గా నిలవాలి అనుకున్న RCB నిరాశే ఎదురయింది. అయితే.. GT చేతిలో RCB ఓడిపోవడంతో ముంబై ప్లే ఆఫ్స్ కు చేరిన సంగతి తెలిసిందే. దీంతో మ్యాచ్ అనంతరం సచిన్ టెండూల్కర్ తన ట్వీట్ లో సరదాగా ఓ విషయాన్ని పేర్కొన్నారు. ‘ముంబై కోసం గ్రీన్, గిల్ మంచి బ్యాటింగ్ చేశారు. కోహ్లీ అద్భుత ఇన్నింగ్స్ ఆడాడు. ముంబైని ప్లే ఆఫ్స్ లో చూడటం చాలా సంతోషంగా ఉంది’ అంటూ సచిన్ ట్వీట్ చేశారు.
