ఇటీవల విమాన ప్రమాదాలు ఎక్కువగా జరుగుతున్నాయి. గాల్లో ఉండగానే కాదు.. రన్ వే పైనా ప్రమాదాలు చోటుచేసుకుంటున్నాయి. తాజాగా మహారాష్ట్ర ముంబయి విమానాశ్రయంలో ఘోర ప్రమాదం త్రుటిలో తప్పింది. ఎయిర్ విస్తారా ఎయిర్లైన్స్కు చెందిన విమానాన్ని సామాన్లు తీసుకెళ్లే ట్రక్కు ఢీ కొట్టింది. ఈ ఘటనలో విమానం ఇంజిన్ దెబ్బతింది. ప్రమాద సమయంలో విమానంలో 140 మంది ప్రయాణికులు ఉన్నారు. అయితే ఎవరికీ గాయాలు కాలేదని అధికారులు తెలిపారు. మంగళవారం జరిగిన ఈ ఘటన ఆలస్యంగా వెలుగులోకి వచ్చింది.
ముంబయి నుంచి కోల్కతాకు వెళ్లే విమానం ప్రమాదానికి గురైందని అధికారులు తెలిపారు. విమానాన్ని ట్రక్కు ఢీకొట్టిన ఘటనలో ఫ్లైట్ ఇంజిన్ దెబ్బతిన్నదని.. ఇప్పుడు ఇంజిన్కు మరమ్మతులు చేశామని వెల్లడించారు. ప్రయాణికులకు ప్రత్యామ్నాయ విమానాన్ని ఏర్పాటు చేసి గమ్య స్థానాలకు తరలించామని చెప్పారు. అదృష్టవశాత్తు ప్రయాణికులలెవరికి గాయాలు కాలేదని విస్తార్ ఎయిర్లైన్స్కు చెందిన ఓ ఉద్యోగి వివరించారు.
A Vistara aircraft engine was hit by a tow truck during push back at Mumbai airport earlier today. The Vistara flight is ready to depart from Mumbai airport to Kolkata. All 140 passengers on board are safe. pic.twitter.com/dr6622b1CP
— ANI (@ANI) August 1, 2023