నోకియా కంపెనీ ఒక వెలుగు వెలిగిన సమయంలో సంచలనంగా మారిన కొన్ని పాత మోడల్స్ ని ఇప్పుడు మళ్ళీ తెచ్చే ఆలోచనలో ఉంది. త్వరలో నోకియా 8000 మరియు నోకియా 6300ను మళ్ళీ విడుదల చేస్తుంది. ఈ రెండు ఫోన్ ల 4 జి మోడల్స్ ని ఆన్‌ లైన్‌ లో గుర్తించారు. హెచ్‌ఎండి గ్లోబల్ ప్రసిద్ధ నోకియా బ్రాండ్ తో 8800 మరియు నోకియా 6300 యొక్క మెరుగైన వెర్షన్‌లను తీసుకువస్తుంది.
రెండు పాత నోకియా ఫోన్ లు… త్వరలో 4 జితో… మరియు వై-ఫై కాలింగ్‌ తో తిరిగి రావచ్చు అని అంచనా వేస్తున్నారు. నోకియా 8000లోనే మరో మోడల్ రానుంది. ఈ మేరకు ఇప్పటికే తయారి కూడా మొదలు పెట్టారని, భారత మార్కెట్ ని టార్గెట్ చేసారని అంచనా వేస్తున్నారు. నోకియా 6300 4 జి స్పోర్టింగ్‌ను వెనుకవైపు 2 ఎంపి కెమెరా, టి 9 కీబోర్డ్ ఉండే అవకాశం ఉంది. నోకియా 8000 4 జి స్లైడింగ్ డిస్ప్లే మాడ్యూల్‌ తో మెటల్ బాడీతో రానుంది.
