ఈ-కామర్స్ సంస్థ ఫ్లిప్కార్ట్ నూత‌నంగా నోకియా మీడియా స్ట్రీమ‌ర్ బాక్స్‌ను లాంచ్ చేసింది. ఆండ్రాయిడ్ 9.0 ఓఎస్‌ను ఇందులో అందిస్తున్నారు. 60 ఎఫ్‌పీఎస్ స్పీడ్‌తో ఈ బాక్స్ ద్వారా ఫుల్‌ హెచ్‌డీలో వీడియోలు ప్లే చేయ‌వ‌చ్చు. డ్యుయ‌ల్ బ్యాండ్ వైఫైని అందిస్తున్నారు. అందువ‌ల్ల వైఫై సిగ్న‌ల్‌ని చ‌క్క‌గా రిసీవ్ చేసుకుంటుంది. డాల్బీ డిజిట‌ల్ ఆడియో, వాయిస్ కంట్రోల్డ్ రిమోట్‌, గూగుల్ అసిస్టెంట్‌కు స‌పోర్ట్ ఫీచ‌ర్ల‌ను కూడా ఇందులో అందిస్తున్నారు.
ఈ బాక్స్‌లో బిల్టిన్ క్రోమ్‌క్యాస్ట్ ఫీచ‌ర్‌ను అందిస్తున్నారు. అందువ‌ల్ల ఫోన్లు త‌దిత‌ర డివైస్‌ల‌ను దీనికి క‌నెక్ట్ చేసి వాటిలో ఉన్న కంటెంట్‌ను ఈ బాక్స్ ద్వారా స్ట్రీమ్ చేయ‌వ‌చ్చు. ఇక గూగుల్ ప్లేకు ఈ బాక్స్‌లో స‌పోర్ట్‌ను ఇస్తున్నారు. జీ5, నెట్‌ఫ్లిక్స్ త‌దిత‌ర యాప్స్‌ను వేగంగా యాక్సెస్ చేసేందుకు గాను ప్ర‌త్యేక కీస్ ను అందిస్తున్నారు.
నోకియా మీడియా స్ట్రీమ‌ర్ బాక్స్‌లో క్వాడ్‌కోర్ ప్రాసెస‌ర్‌, 1జీబీ ర్యామ్, 8జీబీ స్టోరేజ్‌ల‌ను అందిస్తున్నారు. ఈ బాక్స్ ధ‌ర రూ.3499గా ఉంది. ఆగ‌స్టు 28 నుంచి ఫ్లిప్‌కార్ట్‌లో దీన్ని విక్ర‌యిస్తారు.
