టాలీ వుడ్ మాస్ హీరో విశ్వక్ సేన్ గురించి ప్రత్యేక చెప్పనక్కర్లేదు. ఫలక్ నుమా దాస్, హిట్ సినిమాలతో యువతలో గుర్తింపు తెచ్చుకున్న హీరో విశ్వక్ సేన్. ప్రస్తుతం “పాగల్” పేరుతో ప్రేక్షకుల ముందుకు వస్తున్నాడు. ఇప్పటికే ఈ సినిమా టీజర్ విడుదలైంది. టీజర్ ఆసక్తికరంగా ఉండడంతో అందరి చూపులు ఈ టీజర్ మీదకే వెళ్ళాయి. మరో మారు వైవిధ్యమైన ప్రేమకథని ప్రేక్షకుల ముందుకు తీసుకువస్తున్నాడంటూ అంచనాలు పెట్టుకున్నారు ప్రేక్షకులు. సిమ్రాన్ చౌదరి, మేఘా లేఖ హీరోయిన్లుగా నటిస్తున్నారు. అయితే తాజాగా ఈ సినిమా నుంచి అదిరిపోయే అప్డేట్ వచ్చింది.
ఈ సినిమా నుంచి తాజాగా ట్రైలర్ ను వదిలారు. ఇక ఈ ట్రైలర్ చూస్తే… సినిమా మొత్తం లవ్ స్టోరీ చుట్టే తిరిగినట్టే కనిపిస్తుంది. అలాగే హీరో విశ్వక్ సేన్… పదహారు వందల మందిని లవ్ చేసినట్లు చెప్పే డైలాగ్స్ ట్రైలర్లు అదిరిపోయాయి. అలాగే ఈ సినిమాలో కామెడీ కూడా చాలా మందిని ఆకట్టుకునేలా గా కనిపిస్తోంది. మొత్తానికి ఈ ట్రైలర్… సినిమా అంచనాలను పెంచేసింది. కాగా ఈ సినిమా ఈ నెల 14న అన్ని థియేటర్లలో రిలీజ్ కానుంది.
